DANIEL 3:14 - Lai (Hakha) Common Language Bible 2006

¹⁴ Nebukhadnezzar nih cun a thawh hna i, “Shadrak, Meshak le Abednego, nannih nih ka pathian cu a rian ṭuanpiak nan duh lo i ka phunmi sui milem cu biak nan duh lo, an ti cu biatak a si maw?

DANIEL 3:14 ပူးပေါင်းရင်းမြစ်များ

ISAIAH 46:1

Atu cu Babilon pathian kha donghnak an phan cang! Hlanah cun Bel le Nebo kha an rak biak hna, sihmanhsehlaw atu cu laa cungah khan an khin hna i a tha a bami saram caah phorhrit an si cang.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

DANIEL 4:8

Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.