DANIEL 2:9 - Lai (Hakha) Common Language Bible 2006

⁹ Mang cu nan ka chimh lo ahcun dantatnak cu nan dihlak in aa khat in pek nan si lai. Cuhleiah, a caan ningin a lung cu aa thleng te lai lo maw tiin keimah cu lih kha chimh awkah lungthin khat in nan um. Cucaah ka mang cu ka chim u, cu cun pei a sullam zong cu nan ka chimh khawh lai ti kha ka hngalh fam lai cu,” tiah a leh hna.

DANIEL 2:9 ပူးပေါင်းရင်းမြစ်များ

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

ESTHER 4:11

“Siangpahrang sinum vialte hna le siangpahrang peng chung mi vialte hna nih nu siseh, pa siseh, ahohmanh kawh loin siangpahrang sinah chungchin tual chungah an luh ahcun, phung pakhat lawnglawng a um ti kha hngalh dih a si: cu phung cu siangpahrang nih a nun nakhnga a bawi fung kha a hlerpiak lo ahcun ahohmanh aa khatrep in thah awk an si ko. Cun atu hi ni sawm thum chung va luh awkah kawh ka si ti lo,” tiin Mordekai cu bia a cah.

PHUNGTHLÛKBIA 12:19

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

ISAIAH 41:23

Hmailei thil um ding kha kan chim tuah u — cu ti nan chim khawh ahcun pathian nan si kha kan hngalh lai. Ṭhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

EZEKIEL 13:17

“Cun atu cu, mipa, i mer law, na mi hna lak i a ummi nu hna, anmah lung chung chuak lawngin bia a chimmi hna kha chim hna.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

EZEKIEL 13:6

Lih lawng kha an chim i ahmaan lomi langhnak lawng kha an hmu. ‘Mah hihi Bawipa bia hrimhrim a si,’ an ti, asinain Bawipa nih annih cu a fial hna lo, asinain an bia cu Bawipa nih a tlinter ko lai, tiah an ruah. Nan profet hna nih hin hlennak langhnak a si lo maw an hmuhmi hi?

DANIEL 2:16

Cucaah Daniel cu siangpahrang hmaiah cun a vung lut i siangpahrang cu a mang sullam kha a chimh khawh nakhnga a caan ka pe rih tuah, tiah a vung nawl.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 2:8

Siangpahrang nih cun aa thawh i, “Nan chimmi hi ka rak ruahning tein a si. Kaa tinhmi ka thanhmi kha a donghnak a si cang ti kha nan hngalh caah, caan rauhter deuh men kha nan i zuam ti kha ka hngalh.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.