DANIEL 2:48 - Lai (Hakha) Common Language Bible 2006

⁴⁸ Siangpahrang nih cun Daniel cu rian kainak a pek i laksawng man sungsung tampi a ṭhenh i Babilon ram vialte uktu le Babilon mifim vialte hna haotu bik ah a ser.

DANIEL 2:48 ပူးပေါင်းရင်းမြစ်များ

2 SAMUEL 19:32

Barzillai cu upa ngaingai a si, kum sawm riat a si; cun siangpahrang cu Mahanaim i a um lioah khan rawl a rak pek; zeitintiah amah cu mirum ngaingai a si.

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

JEREMIAH 5:5

Cucaah mingan hna sinah ka kal lai i annih kha ka va chimh hna lai. Annih nih cun Bawipa lam kha an hngalh lai i An Pathian phungbia kha an hngalh lai,” ka ti. Sihmanhsehlaw annih zong nih Bawipa nawlbia kha an al i a bia kha ngaih duh loin an um ve.

DANIEL 2:6

Sihmanhsehlaw nannih nih ka mang cu a sullam he nan ka chimh khawh ahcun laksawng tampi le upatnak kha kan pek hna lai. Cucaah ka mang le a sullam cu ka chim tuah u,” tiah a ti hna.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

DANIEL 3:12

Sihmanhsehlaw Babilon ram uknak zohkhenhtu ah na chiahmi Judah mi Shadrak, Meshak, le Abednego hna nih cun bawipa na nawlbia kha zei ah an rel duh lo i na phunmi sui milem kha an bia duh lo,” tiah an ti.

DANIEL 3:30

Cun siangpahrang nih Babilon ram chungah Shadrak le Meshak le Abednego cu rian ngan deuh ah a kaiter hna.

DANIEL 4:6

Cun mang ka manhmi le langhnak ka hmuhmi hna nih cun ka khuaruah an ka harter. Cucaah nawlbia pakhat ka chuah i Babilon mifim vialte hna kha ka mang sullam leh awkah cun ka hmaiah ka auh dih hna.

DANIEL 4:9

Amah zong cu ka mang cu ka chimh i, “Mitleh thiam hna lak i a thiam bik, keimah hrimhrim nih pathian thiang hna thlarau nih an umpimi a si ti ka hngalhmi le biathli zeihmanh a hngal kho dihtu a si tiah ka hngalhmi Belteshazzar, ka mang i ka hmuhmi langhnak cu ka ngaihpiak law a sullam cu ka chim tuah,” tiah ka ti.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

NAMBAR 24:11

Cucaah na umnak ah zam ko kun; ‘Kan hlorh hrimhrim lai,’ tiah ka rak in ti, sihmanhsehlaw Bawipa nih cu upatnak hmuh cu an sianh lo,” tiah a ti.

1 SAMUEL 17:25

Cun Israel mi hna nih cun, “Hi a hung chuak mipa hi na hmu maw? Israel zawmhtaih awk hrimhrim ah a hung chuak ko hi ta; cun hi pa a thattu hi cu siangpahrang nih laksawng tampi a pek lai i a fanu zong kha a pek lai i, a pa innchungkhar ngunkhuai a luatter lai,” tiah pakhat le pakhat an i ceih.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

1 SAMUEL 25:2

Cun Maon ah khan mipa pakhat a um i a rian ṭuannak cu Karmel ah a si. Cu pa cu a rum ngaingai; tuu thong thum le meheh thong khat a ngei Amah cu Karmel ah khan a tuu hmul a met hna.