DANIEL 2:46 - Lai (Hakha) Common Language Bible 2006

⁴⁶ Khi tikah Siangpahrang Nebukhadnezzar cu a bawk i Daniel kha a biak i amah cu raithawinak le rimhmui khanghnak kha nan pekchanh lai, tiah nawl a pek hna.

DANIEL 2:46 ပူးပေါင်းရင်းမြစ်များ

DANIEL 3:5

“Maw miphun zakip le holh phun zakip hna, nannih nih muko thawng le tingtang thawng le thonglawi thawng le darkhing thawng le tummi phun kip thawng le hlasak thawng kha nan theih tikah nan bawk lai i Siangpahrang Nebukhadnezzar nih a phunmi sui milem cu nan biak lai, tiah nawl pek nan si.

DANIEL 3:7

Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.

DANIEL 8:17

Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

LUKA 17:16

Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

LAMKALTU 10:25

Peter cu a vung luh hnik ah khin Kornelias nih cun a rak don i a hmaiah a rak bawk.

LAMKALTU 14:13

Khua lengte ah biakinn a ummi Zeus pathian tlangbawi nih khan cawtum hna le pangpar ṭhirual hna kha kutka ah khan a rak put hna. Amah le mizapi hna nih cun lamkaltu hna kha raithawinak pekchanh an timh hna.

LAMKALTU 28:6

Zeitik ah dah a hung phin unman lai, asilole zeitik ah dah a tluk lai i a thih lai ti lawng kha an rak zoh ko. Sihmanhsehlaw caan saupi an ngan hnu i zeiti hmanh in a um lo tikah an lung an i let i, “Hi pa hi pathian a si ko lai,” an ti.

BIAPHUAN 11:16

Cun Pathian hmaiah bawiṭhutdan cung i a ṭhumi upa kul le pali hna kha an kun i Pathian cu an biak.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 22:8

Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.