DANIEL 2:39 - Lai (Hakha) Common Language Bible 2006

³⁹ Nangmah hnuah hin pennak pakhat a hung chuak lai i cucu nangmah pennak nakin a nauta deuhmi a si lai, cun pennak pathumnak a hung chuak rih lai i cu pennak cu dar pennak cu a si lai i cu nih cun vawlei cung dihlak a uk lai.

DANIEL 2:39 ပူးပေါင်းရင်းမြစ်များ

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

DANIEL 10:20

Cun a ka thawh i, “Zeicahdah na sinah ka rat na hngal maw? Biatak Cauk chung i ṭialmi kha na sin i phuan awkah a si. Atu cu ka va kal lai i Persia ram zohkhenhtu vancungmi kha ka va tuk lai. Cun cu hnuah Grik ram zohkhenhtu vancungmi kha a hung chuak lai.

DANIEL 2:32

Cu milem lu cu sui thiang a si, a ṭang le a ban cu ngun an si, a paw le a phei cu dar an si, a ke cu thir an si, a kepha cu a cheu thir, a cheu tlak an si.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

DANIEL 2:40

Cun pennak palinak a um lai i thir bantukin a ṭhawng lai; thir nih zeizong vialte a den a hrawh dih bantukin cu nih cun hmasa pennak vialte kha a khuai a den dih hna lai.

DANIEL 7:23

Cun hihi a sullam an ka pekmi cu a si: “Sahrang palinak nih hin vawlei cungah pennak a hung chuak ding kha a hmuhsak. Pennak dang he khan an i dang lai i vawlei kha a ei dih lai i a lamh lai i a den lai.

DANIEL 8:20

Ki pahnih a ngeimi tuukawng na hmuhmi kha Media le Persia hmuhsaknak a si,

DANIEL 8:21

mehehtum kha Grik pennak a si i a mit pahnih karlak i a nganmi a ki kha a siangpahrang hmasa bik a si.

ZEKHARIAH 6:3

pathumnak nih rangtum rang a ngeih hna i palinak nih rangtum pawl a ngeih hna.

ZEKHARIAH 6:6

Rangtum nak a ngeimi rangleng hi chaklei ram ah a kal lai, rangtum rang a ngeimi hi nitlaklei ah a kal lai, rangtum pawl a ngeimi hi thlanglei ah a kal lai i rangtum sen a ngeimi hi nichuahlei ah a kal lai,” tiah a ka leh.