DANIEL 2:31 - Lai (Hakha) Common Language Bible 2006

³¹ “Khua na cuanh lioah, maw siangpahrang, milem nganpi pakhat na hmuh. Hi milempi cu a ngan ngaingaimi a si i cer dekduk piin a um i na hmaiah cun a dir zengzung ko i zoh ah khin ṭihnungpi a si.

DANIEL 2:31 ပူးပေါင်းရင်းမြစ်များ

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

EZEKIEL 28:7

Na cungah ramdangmi kha ka tlunter hna lai; Annih cu miphun hna lakah a puarhrang bik an si i Na fimnak ṭhaṭha kha vainam in an sam lai i Naa porhlawtnak cu leidip lakah an hrilh lai.

DANIEL 2:36

“Cucu na mang cu a si. Atu cu siangpahrang kha na mang sullam kha kan chimh lai.

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

DANIEL 4:36

Ka lungthin kel i ka hung kir ṭhan tikah khan ka bawinak le ka sunparnak le ka pennak lianhngannak kha pek ṭhan ka hung si. Ka tlangpi hna le ka bawi hna nih khan ka bia kha an duh. Ka pennak kha fehter a si i ka ṭhawnnak cu tam piin a karh.

HABAKKUK 1:7

Miṭihnung ngaingai an si, anmah nawl hleiah cun aho nawl hmanh an duh lo.

MATTHAI 4:8

Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i,

LUKA 4:5

Cun Khuachia nih cun a hun kaipi i chikkhatte ah khin vawleicung ram vialte kha a hmuhsak dih.