DANIEL 2:29 - Lai (Hakha) Common Language Bible 2006

²⁹ Maw siangpahrang, na ihkhun cung i na ih lioah hmailei thil kong kha na manh i biathli a phuang khotu Pathian nih zeidah a um dingmi thil cu an si kha an hmuhsak.

DANIEL 2:29 ပူးပေါင်းရင်းမြစ်များ

GENESIS 41:25

Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

DANIEL 2:22

A thukmi biathuk kha a phuan; mui lakah zeidah aa thup ti kha a hngalh i ceunak nih amah cu a kulh.

DANIEL 2:23

Ka pupa hna Pathian, nangmah cu kaan lawmh i kaan thangṭhat, Zeicahtiah nangmah nih fimnak le ṭhawnnak kha na ka pek; Ka thlacamnak kha na ka leh i Siangpahrang nih hngalh a duhmi kha na kan chimh.

DANIEL 2:28

Sihmanhsehlaw vancung ah khin biathli a phuang khotu Pathian pakhat a um i amah nih cun Siangpahrang Nebukhadnezzar cu hmailei ah zei thil dah a um lai, ti kha an chimh cang. Mah hihi na mang, naa hngilh lioah langhnak na hmuhmi cu a si:

DANIEL 2:45

Ahohmanh tawngh loin zeitindah lungpi cu lungpang cungin a rung rilh i thir le dar le tlak le ngun le sui in sermi milempi cu a den ti kha na hmuh. A liannganmi Pathian nih siangpahrang Bawipa cu hmailei ah zeidah a tlung lai ti kha an chimhnak a si. Na manhmi hrimhrim cu kan chimhmi hi a si i a sullam taktak kha kan pek cang,” tiah a ti

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.