DANIEL 2:28 - Lai (Hakha) Common Language Bible 2006

²⁸ Sihmanhsehlaw vancung ah khin biathli a phuang khotu Pathian pakhat a um i amah nih cun Siangpahrang Nebukhadnezzar cu hmailei ah zei thil dah a um lai, ti kha an chimh cang. Mah hihi na mang, naa hngilh lioah langhnak na hmuhmi cu a si:

DANIEL 2:28 ပူးပေါင်းရင်းမြစ်များ

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

GENESIS 41:16

Josef nih cun, “Keimah leh khawh bia a si lo, Pathian nih Faro cu a ṭhami lehnak a pek lai,” tiah a leh.

GENESIS 41:25

Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh.

GENESIS 49:1

Jakob nih a fapale kha a auh hna i, “I pum u law, hmailei ah nan cungah zeidah a tlung lai ti kha kan chimh hna lai,” a ti.

SALM 115:3

Kan Pathian cu vancung ah khin a um i a duhmi paoh kha a tuah ko.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 30:24

Aa tinhmi le a duhnak kha a tlinh hlan le a lim hlanah cun a dong lai lo. Mah hi kong hi hmailei ah fiang tein nan hngalh te lai.

JEREMIAH 48:47

Sihmanhsehlaw hmailei caan ah cun Moab cu, Vanṭhatnak kha ka pek ṭhan lai, tiah Bawipa nih a ti. Hi tiang hi Moab cung i biaceihnak cu a si.

EZEKIEL 28:3

Ziah, Daniel nak fim deuh maw na si? Na caah a thuk tukmi biathli zeihmanh a um lo maw?

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

DANIEL 2:18

Amah Daniel le annih le Babilon mifim hna kha thah an si nakhnga lo, vancung Pathian kha a zaangfahnak kan nawl awk a si, tiah a ti.

DANIEL 2:22

A thukmi biathuk kha a phuan; mui lakah zeidah aa thup ti kha a hngalh i ceunak nih amah cu a kulh.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 2:45

Ahohmanh tawngh loin zeitindah lungpi cu lungpang cungin a rung rilh i thir le dar le tlak le ngun le sui in sermi milempi cu a den ti kha na hmuh. A liannganmi Pathian nih siangpahrang Bawipa cu hmailei ah zeidah a tlung lai ti kha an chimhnak a si. Na manhmi hrimhrim cu kan chimhmi hi a si i a sullam taktak kha kan pek cang,” tiah a ti

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

NAMBAR 24:14

Zohhmanh, ka miphun sinah ka kal cang lai; ra ve law, mah miphun nih hin na mi hna cungah hi hnu i an tuah hnga ding cu kan hngalhter lai,” tiah a ti.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

DEUTERONOMI 31:19

Cucaah hi hla hi ṭial law, Israel mi kha cawnpiak hna; hi hla cu Israel mi hna kongah keimah ka biahngaltu a si nakhnga, an kaa chungah chia tuah.

DEUTERONOMI 4:30

Harnak chungah nan um tik le hi thil vialte cu nan cungah ni hmanung bik ni ah a tlun tikah, Bawipa nan Pathian sinah cun nan kir ṭhan lai i a bia kha nan ngaih lai,

2TIMOTE 3:1

Ni hmanung bik kha an phak tikah harnak caan a si lai ti kha philh hlah.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i