DANIEL 2:26 - Lai (Hakha) Common Language Bible 2006

²⁶ Khi tikah siangpahrang nih Daniel cu a thawh i, “Ka mang i ka hmuhmi kha zeidah a si le a sullam cu na ka chim kho lai maw?” tiah a ti. (Daniel cu Belteshazzar ti zongah ti a si).

DANIEL 2:26 ပူးပေါင်းရင်းမြစ်များ

GENESIS 41:15

Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 4:8

Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

1 SAMUEL 17:33

Cun Saul nih David cu, “Hi Filistin mipa va doh awkah hin na kal kho lai lo, zeicahtiah nang cu tlangvalte men na si i anih cu a tlanval ka in pei ralkap a si cang cu,” tiah a ti.