DANIEL 2:25 - Lai (Hakha) Common Language Bible 2006

²⁵ Ariok nih cun therphang lengmang in Daniel cu siangpahrang hmaiah cun a hei chuahpi i, “Judah mi saltangmi hna lakah hin na mang a sullam an chim khotu ding pakhat ka hmuh cang,” tiah a ti.

DANIEL 2:25 ပူးပေါင်းရင်းမြစ်များ

GENESIS 41:14

Faro nih cun Josef cu a auhter hna i khulrang in thong chung cun an chuah. A khahmul aa meh dih le a thil aa thlen dih in Faro hmaiah cun a rung lut.

NEHEMIAH 7:6

Hi ram mi, Babilon siangpahrang Nebukhadnezzar nih sal taannak chungah a kalpimi hna lakin, saltannak chungin a chuakmi cu mah hna hi an si; annih cu Jerusalem khua le Judah ram ah khan a kirmi an si i anmah le an khua cio ah khan an kir.

PHUNGTHLÛKBIA 24:11

Thah awk i an kalpi liomi hna cu va chanh hna, Thah awk i an hnuhchih lenmi hna cu va khamh hna.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

DANIEL 1:6

Cu hna lakah cun Judah phun chungmi Daniel, Hananiah, Mishael le Azariah kha an i tel.

DANIEL 5:13

Cun Daniel cu siangpahrang hmaiah cun an run luhpi i siangpahrang nih cun a thawh i, “Nangmah hi maw Daniel cu na si? Siangpahrang ka pa nih Judah ram in saltangmi si awkah a ratpimi hna lak i aa tel vemi cu maw na si?

DANIEL 6:13

Cucaah siangpahrang hmaika ah cun an i thawh i, “Judah mi saltangmi hna lak i aa tel vemi Daniel nih siangpahrang nawlbia cu zei ah a rel lo i a pathian sinah ni khat ah voi thum lengmang thla a cam,” an ti.