DANIEL 2:22 - Lai (Hakha) Common Language Bible 2006

²² A thukmi biathuk kha a phuan; mui lakah zeidah aa thup ti kha a hngalh i ceunak nih amah cu a kulh.

DANIEL 2:22 ပူးပေါင်းရင်းမြစ်များ

GENESIS 41:16

Josef nih cun, “Keimah leh khawh bia a si lo, Pathian nih Faro cu a ṭhami lehnak a pek lai,” tiah a leh.

JOB 12:22

Muihnak chungin thilthuk kha a hun langhter i A thukmi muihnak chungah khan ceunak a ratpi.

JOB 26:6

Sheol cu Pathian hmaiah cun taklawng in a um i Abaddon cu a khuhnak a chin kha hun a si.

SALM 104:2

ceunak in naa tuam. Van khi puan thlam bantukin na samh hna i

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

SALM 36:9

Nang cu nunnak vialte hram na si; nangmah ceunak thawngin kannih nih ceunak kha kan hmuh.

PHUNGCHIMTU 8:1

Mifim mi lawng nih thil hi zeidah an si taktak ti kha an hngalh; Fimnak nih cun mi hmaiah nih thlam a lenter i an hmaichiatnak kha a lohter.

ISAIAH 41:22

Ra chuak u law hmailei thil um ding kha chim chung tuah u. Biaceihtu pawl cu thil um cia kong kha chim hna u, cun thil um lai ding kha, an hung um taktak tikah kan hngalh khawh hna nakhnga, zeitindah an um te lai ti kha kan chim tuah u.

ISAIAH 41:26

Nan chimmi kha ahmaan taktak tiah kan in ti khawh hna nak dingah, hitihin thil a um te lai tiah aho tal nih nan rak kan chim in, aho tal nih nan rak chim chung kho maw? Cu kong cu ahohmanh nih nan rak chim kho lo, nan chimmi ahohmanh nih an thei lo!

ISAIAH 42:9

Ka rak chimchungmi kha atu cu an tling cang. Atu cu thil thar kha kan chimh lai, um an i timh hlanah hin kan chimh lai,” a ti.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

DANIEL 2:11

Bawipa nih nan tuah lai, tiah na kan timi hi a har tuk, a thi khomi minung hna sin i a um lomi pathian hna dah ti lo nih cun, ahohmanh nih an tuah kho lai lo, an ti.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 5:14

Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.

MATTHAI 13:13

Annih sinah bianabia ka hmannak cu hihi a si: a zoh cu an zoh len ve ko, sihmanhsehlaw an hmu kho lo, a ngaih cu an ngaih len ve ko, sihmanhsehlaw an thei kho lo.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

DEUTERONOMI 29:28

Cun Bawipa nih a thinhunnak, a thinphawhnak le a thinlinhnak in an ram in a phawi hna i nihin ah a si bang hin ram dang ah a hlonh hna,’ an ti lai.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1JOHAN 1:5

Fapa sinin kan theih i nannih kan in thanhmi hna bia cu hihi a si: Pathian cu ceunak a si i a chungah muihnak zeihmanh a um lo.