DANIEL 2:12 - Lai (Hakha) Common Language Bible 2006

¹² Hi bia a theih tikah siangpahrang cu a thin aa sum kho ti lo i Babilon ram chung i mifim vialte kha that dih hna u, tiah a ti.

DANIEL 2:12 ပူးပေါင်းရင်းမြစ်များ

JOB 5:2

Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

PHUNGTHLÛKBIA 16:14

Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

PHUNGTHLÛKBIA 29:22

Thin a tawimi nih rem lonak an chuahter, Thin aa sum lomi nih palhnak an tuah zungzal tawn.

DANIEL 2:24

Cucaah siangpahrang nih Babilon mifim pawl cu thah awkah nawl a pekmipa Ariok sinah khan a va kal i, “Babilon mifim hna cu that rih hna hlah. Siangpahrang hmaiah ka chuahpi law atu cu a mang sullam kha ka chimh lai,” tiah a ti.

DANIEL 2:5

Siangpahrang nih cun a leh hna i, “Ka mang le a sullam kha nan ka chimh khawh lo ahcun nan liang vang in kan thleh dih hna lai i nan inn cu tlaih an si dih lai.

DANIEL 3:13

Cu tikah Nebukhadnezzar nih cun a thinhun le a thinlinh in Shadrak le Meshak le Abednego cu va ko hna u, a ti i annih cu siangpahrang hmaika ah an hun chuahpi hna.

DANIEL 3:19

Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.