DANIEL 12:8 - Lai (Hakha) Common Language Bible 2006

⁸ A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

DANIEL 12:8 ပူးပေါင်းရင်းမြစ်များ

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

DANIEL 12:6

Cun pakhat nih cun puan hmangṭhia aa aih i tiva a hnalei deuh ah a ummipa cu a hei chawnh i, “Hi hmelchunhnak hna hi an dongh tiangah zei can dah a rauh rih lai,” tiah a hal.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 12:9

Cun a ka leh i, “Daniel va kal ko, zeicahtiah hi bia hna cu donghnak caan a phak hlantiang biathli le biathup ah chiah awk an si.

DANIEL 8:13

Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

LUKA 18:34

A zultu hna nih khan hi thil kong hi zeihmanh an hngal lo; a bia sullam kha thuhkanh an si i Jesuh nih a chimmi a sullam kha an hngal lo.

JOHAN 12:16

Cu caan ah cun a zultu hna nih khan cu thil a sullam cu an hngal lo, sihmanhsehlaw sunparnak ah thawhter a si tikah khan, amah kong ah hin, hi bantukin Cathiang nih a rak chim i an tuahmi kha amah an tuahpiak a rak si, ti kha an lung a hung pem.

LAMKALTU 1:7

Jesuh nih cun a thawh hna i, “Ka Pa nih amah nawlngeihnak chungah a chiahmi caan le nithla kong cu nannih hngalh awk a herh lo.

1 PETER 1:11

Zeitik ah dah cu caan cu a si lai ti le zeitindah cu caan cu a rat lai ti kha kawl an rak i zuam i atu caan hi an chungah a ummi Khrih Thlarau nih a rak sawhmi caan cu a si. Thlarau nih cun Khrih nih a in laimi temhinnak le temhnak a in ruangah a hmuh laimi sunparnak kha a rak chimchung cang.