DANIEL 12:1 - Lai (Hakha) Common Language Bible 2006

¹ Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

DANIEL 12:1 ပူးပေါင်းရင်းမြစ်များ

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

EZEKIEL 13:9

Langhnak an hmuhmi ahmaan lomi a simi hna le an mangihnak lih a simi profet hna kha ka kut ka hlerhnawh hna lai. Ka mi hna nih khua an khannak hmun ah khan hmun an ngei lai lo i Israel mi hna min relnak cazin chungah khan khumh an si lai lo i Israel ram zong an ke nih a lam lai lo.

EZEKIEL 34:24

anih nih cun a zohkhenh hna lai i an khaltu ah a cang lai. Bawipa cu an Pathian ka si lai i ka sal David cu an bawi a si lai, tiah Bawipa nih ka chim cang.

EZEKIEL 5:9

cu biakhiahnak hna cu ka tuah balmi zong an si lo i hi hnu zongah ka tuah ti hna lai lo, na nawlbuarnak cu fih a nung tuk hringhran.

DANIEL 10:13

Sihmanhsehlaw Persia pennak a zohkhenhtu vancungmi nih khan ni kul le ni khat a ka kham. Cun Persia ram ah khan keimah lawngin kaltak ka si caah vancungmi bawi bik pakhat nih khan a ra ka bawmh.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

MATTHAI 24:21

Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

MARKA 13:19

Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

ROM 11:26

Cun Israel mi vialte khamh an si lai cu hitihin a si lai: Cathiang nih, “Zion in Khamhtu cu a ra lai i Jakob tefa hna chungin ṭhat lonak vialte kha a hloh lai.

EFESA 1:21

Khika ah khan vancung uktu vialte hna le nawlngeitu vialte hna le ṭhawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu ṭhawnnak a ngeimi bawi vialte cung bawi a si.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 12:7

Cun van ah khin raldohnak a um. Mikhael le a vancungmi hna nih khan limkeng cu an doh i limkeng nih cun a vancungmi hna he a rak doh ve hna.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.