DANIEL 11:36 - Lai (Hakha) Common Language Bible 2006

³⁶ Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 11:36 ပူးပေါင်းရင်းမြစ်များ

SALM 136:2

Lawm tuah u, pathian hna Pathian cu, a dawtnak cu zungzal in a hmun.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

ISAIAH 10:23

Bawipa Ralkapbu hna Pathian nih ka tuah lai tiah a chim bangin, ram chung dihlak ah cun rawhralnak cu a tlung ko lai.

ISAIAH 10:25

Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 14:13

Vancung i hung kai i a sang bikmi arfi nak sang i na bawiṭhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka ṭhu lai tiah naa ruah.

ISAIAH 14:14

Khuadawm cungah khin ka kai lai i Cungnung Bik bantuk ka si lai na ti.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

ISAIAH 57:9

Nan zihmui le nan sathau kha nan i thuh hna i Molek pathian biak awkah khan nan kal. Biak awk pathian kawl ah ram kip ah mi nan thlah hna, mithi khua tiang hmanh in mi nan thlah hna.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

EZEKIEL 35:13

Cun keimah kong zongah khan zeirello ngaiin bia nan chim i nannih nih atu le atu nan ka thangchiat, hihi ka theih dih ko.

DANIEL 11:16

Cucaah a rung hranhtu ral nih khan a duhduh in a ṭuan ko lai i ahohmanh nih an dawn kho lai lo. Ram vialte lak i ram dawh bik chungah cun aa hmung lai i cu ram cu a ning piin a kut toiah a um lai.

DANIEL 11:3

Khi tikah ralkap a simi siangpahrang kha a chuak lai. Pennak kaupi kha a uk lai i a duhmi thil paoh kha a tuah ko lai.

DANIEL 11:37

A pupa hna nih an rak biakmi pathian le nu hna nih an dawtmi pathian kha zeihmanh ah a rel hna lai lo; pathian zei bantuk hmanh kha zei ah a rel hna lai lo, amah tu kha an cungah aa hlorh lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

DANIEL 8:19

Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si.

DANIEL 8:4

Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

ZEKHARIAH 11:16

zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a cawnghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.

JOHAN 5:30

“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

JOSHUA 22:22

Bawipa cu pathian hna Pathian a si, Amah nih a hngalh dih, Israel zong nih hngal seh. Bawipa kan doh ruang a si ah maw Amah cung i zumhawktlak lo kan si ruangah maw

BIAPHUAN 10:7

Vancungmi pasarihnak nih a muko a tum tikah Pathian nih, a sal profet hna sinah a rak chim bang khan, a rak timh thlimi kha a tlinter lai,” a ti.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

BIAPHUAN 13:1

Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 17:17

Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an ṭuan i uknak nawl an ngeihmi kha sahrang cu an pek.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.