DANIEL 11:30 - Lai (Hakha) Common Language Bible 2006

³⁰ Rom mi nih khan tilawng in an rathnawh lai i aa chol lai. Aa mer lai i a thinlinhnak kha biakamnak thiang cungah a bungh lai; a kir leiah an biaknak a rak hlawtu hna lungthin cheuhning khan a ṭuan lai.

DANIEL 11:30 ပူးပေါင်းရင်းမြစ်များ

GENESIS 10:4

Javan fapa hna cu Elishah, Tarshish, Kit mi le Rodan mi an si.

1 CHANRELNAK 1:7

Javan fapa hna: Elishah, Tarshish, Kittim le Rodanim.

NEHEMIAH 6:12

Pathian nih amah cu a run thlah si lo tein, Tobiah le Sanballat nih a man an rak phalh ca i bia a rak ka chimhnawh a si kha ka hun hngalh i ka hun hmuh.

ISAIAH 23:1

Hi bia hi Tair kong bia a si. Rili cungah lawng in a kalmi hna, ṭap tuah u. Nan lawng dinhnak khua Tair khua cu a rawk cang; a inn vialte le a lawng dinhnak hmun hna cu an rawk cang. Nan lawng cu Saipras in an kir tikah cu thawng cu nan theih lai.

ISAIAH 23:12

Sidon khualipi, na lunglawmhnak cu a dih cang. Na mi cu hrem an si cang i Saipras tikulh i an zam hmanh ah, cuka zongah cun an him ṭhiamṭhiam lai lo.

JEREMIAH 2:10

Nitlaklei ah Saipras tikulh tiangin va kal hmanh u law va zoh hmanh u, Nichuahlei ah Kedar tiangin mi hei thlah hna u law ṭha tein va zoh hna seh, Hi bantuk thil hi a um bal hnga maw?

EZEKIEL 27:6

Bashan ram kuhthing a sang bikbik hna in na lawng zahnak fung kha an ser hna. Kittim tikulh rili kap tufar thing in na lawng innleng cu fek tein an ser hna.

DANIEL 11:28

Siria siangpahrang cu hranchaw a lakmi vialte he khan inn lei i kir awkah aa thawh lai i Pathian mi hna an biaknak phung kha hrawh hrimhrim aa tinh lai. A tuah duhmi paoh kha a tuah ko lai i a ram ah a kir lai.

DANIEL 11:29

Hnu deuh ah thlanglei ram kha voi khat cu a vung hranh ṭhan lai, sihmanhsehlaw hmasa bantuk khan cun a hlawhtling ti lai lo.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

NAMBAR 24:24

Sihmanhsehlaw Kittim in sangphawlawng an ra lai i Asshur le Eber kha an hrem hna lai i Amah zong rawknak kha a phan lai,” tiah a ti.

MATTHAI 24:10

Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

BIAPHUAN 12:12

Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.