DANIEL 11:27 - Lai (Hakha) Common Language Bible 2006

²⁷ Cu siangpahrang pahnih hna cu pakhat cung i ṭhat lonak tuah kha an i tim peng lai i cabuai pakhat ah an ṭhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah ṭhathnemnak zeihmanh a um lai lo.

DANIEL 11:27 ပူးပေါင်းရင်းမြစ်များ

2 SAMUEL 13:26

Khi tikah Absalom nih a thawh i, “Asilo ahcun, ka unau Amnon cu ka sinah kal seh, tiah kan nawl,” tiah a ti. Cun siangpahrang nih amah cu, “Zeicahdah na sinah cun a kal lai?” tiah a ti.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

SALM 58:2

Nan ceih hna lo. Ṭhat lonak tuah nan duhmi lawng kha nan ruat i ram chungah khan mithahnak le lainawnnak nan umter.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.

PHUNGTHLÛKBIA 12:20

Ṭhat lonak khua a khangtu hna cu anmah le anmah an i hleng ko, sihmanhsehlaw zapi ca ṭhatnak a kawlmi hna caah cun lunglawmhnak a um.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 26:23

Hmurka thlum i lungthin ṭha ṭung lo cu, tlak-um cung i nalhmi sinal bantuk a si.

EZEKIEL 17:9

Cucaah Bawipa Pathian bia hihi a si tiah chim hna: hi mitsur ruang hi a nung kho in a ṭhang kho ngai lai maw? Mupi pakhatkhat nih khan a hram in a bongh i a thei kha a zun dih hna lai lo maw? A nge kha a khiak hna in an car dih lai lo maw? Cuti i phawinak dingah cun thazang ṭhawng tuk zong a herh lai lo i miphun ṭhawngpi zong a herh lem lai lo.

DANIEL 10:1

Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.

DANIEL 11:28

Siria siangpahrang cu hranchaw a lakmi vialte he khan inn lei i kir awkah aa thawh lai i Pathian mi hna an biaknak phung kha hrawh hrimhrim aa tinh lai. A tuah duhmi paoh kha a tuah ko lai i a ram ah a kir lai.

DANIEL 11:29

Hnu deuh ah thlanglei ram kha voi khat cu a vung hranh ṭhan lai, sihmanhsehlaw hmasa bantuk khan cun a hlawhtling ti lai lo.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

DANIEL 8:17

Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

DANIEL 8:19

Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

LAMKALTU 1:7

Jesuh nih cun a thawh hna i, “Ka Pa nih amah nawlngeihnak chungah a chiahmi caan le nithla kong cu nannih hngalh awk a herh lo.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

1THESALON 5:1

Bawipa rat lainak ni le caan hi ca in kan in kuat hna a herh lo tiah u le nau hna kan ruah.