DANIEL 11:21 - Lai (Hakha) Common Language Bible 2006

²¹ Siria siangpahrang a hun chaangtu cu miṭhalo a si lai, amah cu siangpahrang si awkah aa tlak lomi a si lai i asinain daihnak caan lioah pennak chungah cun a holh nalnak thawngin aa sawh lai i hlennak in uknak cu a lak lai.

DANIEL 11:21 ပူးပေါင်းရင်းမြစ်များ

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

ISAIAH 32:5

Ahohmanh nih mihrut cu hmaizahmi tiah an ruat ti hna lai lo i mihrokhrawl cu lihchim lomi tiah an ruat ti hna lai lo.

DANIEL 11:20

Amah cu pakhat nih a hun chaan lai i cu pa nih cun hramhram in siangpahrang ngunkhuai cu kholh awkah bawi pakhat a thlah lai, sihmanhsehlaw hi siangpahrang zong cu tlawmpal ah khin a donghnak a phan lai i asinain mah cucu lenglang in siseh, raltuknak hmun ah siseh, a si lai lo.

DANIEL 11:32

Biakamnak a rak hlawtmi hna cu lih in a lem khawh hna lai i annih cu amah leiah khan a mer khawh hna lai, sihmanhsehlaw an Pathian leiah zumhawktlak tein a ummi hna cu fek tein an dir lai i annih nih cun an rak doh ve lai.

DANIEL 11:34

Cu bantukin an hrem hna lioah, anmah a fonhtu a tampi hna kha mah zawn lawng ruatmi an si nain, bawmhnak tlawmte cu an hmuh ko lai.

DANIEL 11:7

Cun a rualchan pakhat nih khan Siria siangpahrang ralkap cu a tuk hna lai i ralhau chungah khan a luhhnawh hna lai i a tei hna lai.

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

DANIEL 8:23

Cu pennak hna an donghnak caan a nai tik le An ṭhat lo tuk hringhran i dantat awk an si tikah, Siangpahrang pakhat, a lung a ṭhawng ngaimi le a sual ngaimi le hlen thiam ngaimi a hung um lai.

DANIEL 8:25

Amah cu a zer caah zernak in khua a khanmi ah khan a hlawh a tling lengmang lai; Thil ngan pipi kha a lung chungin a ruah a khan hna lai i Bawi vialte Bawipa hmanh kha a zuam lai i amah cu tei a si lai nain minung kut in a si lai lo.

DANIEL 8:9

Cu hna lak i pakhat chung cun ki hmete pakhat a hung chuak i thlanglei le nichuahlei le ram vialte lak i ram ṭha cem cu a thazang kha khuaruahhar in a langhhnawh hna.

NAHUM 1:14

Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.