DANIEL 11:16 - Lai (Hakha) Common Language Bible 2006

¹⁶ Cucaah a rung hranhtu ral nih khan a duhduh in a ṭuan ko lai i ahohmanh nih an dawn kho lai lo. Ram vialte lak i ram dawh bik chungah cun aa hmung lai i cu ram cu a ning piin a kut toiah a um lai.

DANIEL 11:16 ပူးပေါင်းရင်းမြစ်များ

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

DANIEL 11:3

Khi tikah ralkap a simi siangpahrang kha a chuak lai. Pennak kaupi kha a uk lai i a duhmi thil paoh kha a tuah ko lai.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 11:41

Ram vialte lak i ram dawh cem zong cu a luhhnawh lai i minung thong tampi a thah hna lai. Edom ram le Moab ram le Ammon ram a tangmi tu kha cu an luat lai.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 8:4

Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.

DANIEL 8:9

Cu hna lak i pakhat chung cun ki hmete pakhat a hung chuak i thlanglei le nichuahlei le ram vialte lak i ram ṭha cem cu a thazang kha khuaruahhar in a langhhnawh hna.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.