DANIEL 11:15 - Lai (Hakha) Common Language Bible 2006

¹⁵ Khi tikah chaklei siangpahrang kha a ra lai i raltuknak chuntlung kha a ser hna lai i kulhmi khua pakhat kha a lak lai; thlanglei ralkap hna nih khan an celh hna lai lo; an ralkap ṭhawng bikbik hna hmanh nih khan an um hmun kha an i tlaih kho lai lo.

DANIEL 11:15 ပူးပေါင်းရင်းမြစ်များ

JEREMIAH 33:4

Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 52:4

A bawi kum kuanak, thla hra thla, cu thla ni hra ni ah cun Babilon siangpahrang Nebukhadnezzar cu Jerusalem tuk awkah, a ralkapbu pi he an ra i an kulh i a velchum in ralvennak innsang kha an sakhnawh.

JEREMIAH 6:6

Mahtihin Ralkapbu Bawipa nih a ti, “Jerusalem khua thingkung kha hau hna u law Ral tuknak chuntlung kha a pawngah serhnawh u. A chungah hin zeidang um loin hremnak lawnglawng a um caah Hi khua hi dan ka tat lai.”

EZEKIEL 17:17

Mi tampi thihnak ding caah raltuknak chuntlung le kahcham tampi a sermi Babilon mi hna kut chung khan Izipt siangpahrang ralkapbu ṭhawng hmanh nih an chanh kho lai lo.

EZEKIEL 4:2

cun Jerusalem khua cu hreng law ralvennak buk kha sakhnawh law raltuknak chuntlung khan kulh law riahhmun hna kha serhnawh law ralhau vampang chimhnak thingthluan kha a velchum in chiahhnawh tuah.

DANIEL 11:14

Hi caan ah hin mi tampi nih thlanglei siangpahrang kha an doh lai, cun Daniel, na miphun chung mipuar hna zong nih an hmuhmi langhnak ruangah an doh ve lai, sihmanhsehlaw an sung lai.

DANIEL 11:6

Cun kum tam nawn hnuah khin Izipt siangpahrang nih a fanu cu Siria siangpahrang kha a vatter lai i ṭanṭinak an tuah lai. Sihmanhsehlaw cu ṭanṭinak an tuahmi cu sau a hmun lai lo i amah cu le a sin i a kalmi a sinum hna le a fale a va cu an dihlak in thah an si lai.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.