DANIEL 11:11 - Lai (Hakha) Common Language Bible 2006

¹¹ Thlanglei siangpahrang cu a thin a phawh lai i chaklei siangpahrang he i tuk awkah a kal lai, chaklei siangpahrang nih ralkapbu nganpi a pumhmi kha a kut chungah chanh a si lai.

DANIEL 11:11 ပူးပေါင်းရင်းမြစ်များ

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

JEREMIAH 27:6

Hi ram vialte ka sal Nebukhadnezzar, Babilon siangpahrang sinah a petu cu keimah ka si i saram hna zong amah rian ṭuantu dingah a petu cu keimah ka si fawn.

DANIEL 11:12

Cuticun ral a teinak cu aa porhlaw lai i ralkap tampi a thahmi hna ruangah cun tluang a khawng lai, sihmanhsehlaw teitu a si zungzal ve lai lo.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.

DANIEL 11:44

Khi tikah nichuahlei le chaklei in thawngpang a hung thangmi nih amah cu an lauter lai i mi tampi kha thah awk le hloh awkah thinhung ngaiin a chuak lai.

DANIEL 11:5

Cun thlanglei siangpahrang, Izipt siangpahrang cu a hung ṭhawng lai, sihmanhsehlaw a ralbawi hna lak i pakhat kha a ṭhawng deuh chinchin lai i ram kau deuh chinchin kha a uk lai.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.