DANIEL 10:8 - Lai (Hakha) Common Language Bible 2006

⁸ Ka thazang cu a um ti lo i ka hmai cu aa dan tuk hringhran caah ahohmanh nih an ka hngal kho hnga lo.

DANIEL 10:8 ပူးပေါင်းရင်းမြစ်များ

GENESIS 32:31

‘Jakob nih Peniel in a chuah ah ni zong a chuak ve, a khel ruangah cun a bei.

EXODUS 3:3

Cucaah cun, “Ka hei naih deuh lai i ka hmuhmi thil khuaruahhar khi ka va zoh tuah lai. Zeicahdah burbuk khi a kangh dih kun hnga lo?” tiah a lung chungin a ti.

DANIEL 10:16

Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.

DANIEL 10:17

Kei cu a bawipa hmai i a dirmi sal bantuk ka si. Zeitindah nangmah sinah bia ka chim khawh lai? Ka thazang a um ti lo, ka thaw zong a um ti fawn lo,” tiah ka ti.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

MATTHAI 17:6

A zultu pawl nih aw kha an theih tikah an thin a phang tuk i vawlei ah an bawk.

MARKA 9:6

Peter le a hawile cu an thin a phang tuk hringhran i zeihmanh chim awk an hngal lo.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.