DANIEL 10:19 - Lai (Hakha) Common Language Bible 2006

¹⁹ A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

DANIEL 10:19 ပူးပေါင်းရင်းမြစ်များ

SALM 138:3

Kan auh tikah na ka leh, na ṭhawnnak in na ka ṭhawnter.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

DANIEL 10:18

Cun mipa bantuk a simi nih cun a ka tawngh ṭhan i ka tha cu a hung tlung ṭhan.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah:

HAGGAI 2:4

Sihmanhsehlaw atu cu maw Zerubbabel, na lungṭhawng ko, tiah Bawipa nih a ti; maw Jehozadak fapa Joshua, Tlangbawi Ngan, na lungṭhawng ko; ramchung mi vialte hna, ṭuan tuah u, tiah ralkapbu Bawipa nih a ti.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.

JOHAN 11:3

Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.

JOHAN 11:36

Cucaah Judah mi nih cun, “Zeitluk in dah a dawt kha zohhmanh u,” an ti.

JOHAN 11:5

Jesuh nih Martha le a naunu le Lazaruh kha a dawt hna.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 19:26

Cuka i a nu le a dawtmi a zultu an dir ko kha a vun hmuh hna i a nu cu, “Ka nu, khaka ah khan na fapa a um khah,” tiah a vun ti,

JOHAN 21:20

Peter cu a hun i mer i Jesuh dawtmi zultu nih a zulh hna kha a hmuh — cu pa cu rawl an ei lio i Jesuh hngauh in a um i, “Bawipa, ahodah nangmah rawitu cu a si lai,” tiah a haltu kha a si.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

BIACEIHTU 6:23

Sihmanhsehlaw Bawipa nih cun a chawnh i, “Na cungah daihnak um ko seh; ṭih hlah, na thi lai lo,” tiah a ti.