DANIEL 10:16 - Lai (Hakha) Common Language Bible 2006

¹⁶ Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.

DANIEL 10:16 ပူးပေါင်းရင်းမြစ်များ

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

EXODUS 4:13

Sihmanhsehlaw Moses nih, “Bawipa, kei cu ka ngaithiam ko, midang tu thlah ko hna,” tiah a ti.

PHUNGCHIMTU 1:18

Zeicahtiah fimnak cu a tam deuh paoh ah lungretheihnak tam deuh ngeih a si ve ko, Cun thil tam deuh hngalh paoh ah tam deuh temhinnak hmuh a si ve fawn ko.

ISAIAH 6:7

Meiṭil cun ka hmur kha a ka tawngh i, “Meiṭil nih na hmur an tawngh cang, cucaah cun mawhchiat awk na sinak cu a lo cang i na sualnak cu ngaihthiam na si cang,” a ti.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

EZEKIEL 3:27

Sihmanhsehlaw nangmah kha chimh awk thil ka ngeih tikah bia chim khawhnak kha kan pek ṭhan lai. Khi tikah na thawh hna lai i, ‘Mah hihi Bawipa Pathian bia a si,’ tiah na ti hna lai. Ngaih a duhmi nih ngai ko hna seh, a duh lomi nih duh lo ko hna seh; Zeicahtiah annih cu ral thawh hmangmi cu pei an si fam cu,” a ka ti.

EZEKIEL 33:22

An rat lai zan ah cun Bawipa kut cu ka cungah a tlung i an ka phak tikah zinglei ah cun Bawipa nih holh khawhnak kha a ka pek ṭhan. Ka holh kho ṭhan cang i holh loin ka um ti lo.

DANIEL 12:8

A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 7:15

Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:15

Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh.

DANIEL 8:17

Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.

DANIEL 8:18

Bia a ka chimh tikah khan mangcanghlan in ka um i vawlei ah ka tlu; sihmanhsehlaw a ka tlaih i ka umnak hmun ah khan a ka dirter.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

LUKA 1:64

Cu cangka cun Zekhariah cu a holh kho ṭhan i Pathian kha a hun thangṭhat.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

JOHAN 20:28

Thomas nih cun, “Ka Bawipa le ka Pathian,” tiah a ti.

JOSHUA 5:14

Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

BIAPHUAN 1:13

Cu mei vannak hna lakah cun minung a lomi pakhat a dir i a kemit phiak in angki fual aa hruk i a ṭang ah sui taisawm pakhat aa sawmh.

BIACEIHTU 13:8

Khi tikah Manoah nih Bawipa kha a nawl ṭhan i, “Maw Bawipa, Pathian mi na rak thlahmi kha kan sinah ra ṭhan ko seh law, a chuak lai dingmi ngakchia cu zeitindah kan tuah lai ti kha kan cawnpiak seh tiah kan nawl,” tiah a ti.

BIACEIHTU 6:13

Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.

BIACEIHTU 6:15

Cun anih nih a sinah, “Bawipa, kan nawl ko, zeitindah Israel cu ka chuah khawh lai? Zohhmanh ka phun cu Manasseh chungah a der bik a si i kanmah innchungkhar chungah keimah cu a hme bik ka si,” tiah a ti.