DANIEL 10:1 - Lai (Hakha) Common Language Bible 2006

¹ Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.

DANIEL 10:1 ပူးပေါင်းရင်းမြစ်များ

GENESIS 41:32

Faro nih voi hnih tiangtiang in na manh cu, hi thil hi Pathian nih a ruah cang i a rauh hlanah a tlunter lai tinak caah a si.

2 CHANRELNAK 36:22

Jeremiah kaa in a langmi Bawipa bia cu a tlin nakhnga, Persia siangpahrang Sairas a bawi kum khatnak ah, Bawipa nih Sairas thlarau cu a hninhsaih i cucaah a pennak ram chung vialte ah thawng thanhnak a tuah i,

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, “Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai,” tiah an ti hna.

EZRA 4:5

cun Persia siangpahrang Sairas nun chung vialte, Persia siangpahrang Darius a bawi tiangin, an i tinhmi cu a pelh khawh nakhnga annih nih fimchimtu kha an i roih hna.

EZRA 6:14

Cun profet Haggai le Iddo fapa Zekhariah chimnak thawngin Judah mi upa hna nih cun an sak i an hma a kal. Israel Pathian nawlbia le Persia siangpahrang Sairas, Darius, le Artazaksis nawl peknak thawngin, an inn sak cu an lim;

EZRA 6:3

Sairas siangpahrang a bawi kum khatnak ah, Sairas siangpahrang nih nawlbia a chuah: Jerusalem i a ummi Pathian kongah, raithawinak an pekchanhnak le khangh thawinak an rak putnak hmun inn cu sak ṭhan si seh; a san cu dong sawm ruk a si lai i a vang cu dong sawm ruk a si lai,

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 1:21

Daniel cu khika ah khan Sairas cu Babilon siangpahrang i a hung can tiang khan a um.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 10:14

Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.

DANIEL 11:2

Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a ṭhawnnak kha a chawva in a vun karhter tikah Grik pennak doh awkah vawlei pumpi kha a ṭhanghter lai.

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

DANIEL 12:9

Cun a ka leh i, “Daniel va kal ko, zeicahtiah hi bia hna cu donghnak caan a phak hlantiang biathli le biathup ah chiah awk an si.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 4:8

Sihmanhsehlaw annih nih an let kho lo. Asinain a dang pakhat ka hmaiah cun a ra chuak i amah cu Daniel a si, ka pathian min zulh in Belteshazzar ti zongah ti a si; amah cu pathian thiang hna thlarau nih an umhnawhmi a si.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 5:17

Cun Daniel nih siangpahrang hmaiah cun aa thawh i, “Na laksawng cu nangmah caah i chiah ko hna, a si lo le midang pe hna. Asinain caṭialmi cu siangpahrang kha kan relpiak lai i a sullam cu kan chimh lai.

DANIEL 6:28

Cuticun Daniel cu Darius uk chung le Persia mi Sairas uk chungah thluachuak in a um.

DANIEL 8:16

Cun Ulai tiva lei khan aw pakhat ka theih i, “Gabriel, mipa kha langhnak a sullam kha chim tuah,” tiah a ti.

DANIEL 8:26

Zanlei raithawinak hna kong le zinglei raithawinak hna kong i phuannak na hmuhmi an sullam hi biatak a simi an si; Sihmanhsehlaw langhnak na hmuhmi hi na thuh rih hna lai, Zeicahtiah hi langhnak a vung tlin tik khi cu hmaileipi ah khin a si te lai,” tiah a ti.

LUKA 1:20

Ka bia cu na ka zum lo, asinain a caan a phak tikah cun a tling ṭhiamṭhiam te ko lai. Na zumh lo caah holh kho loin na um lai i kan chimhmi thil kha a tlin ni a phak hlantiang bia pakhat hmanh na chim kho lai lo,” tiah a ti.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.