BIAPHUAN 9:7 - Lai (Hakha) Common Language Bible 2006

⁷ Khaubawk cu ral tuknak rangtum he an i lo; an lu ah suiluchin bantuk an i chinh i an hmai cu minung hmai bantuk a si.

Laibaibal Thiang (BSI)

⁷ Cu khaubawk hna muisam cu raltuknâk dingah rang an thomhmi bantuk khi an si. An lu ah sui bantuk luchin an chinh hna i an hmai cu minung hmai bantuk an si.

BIAPHUAN 9:7 ပူးပေါင်းရင်းမြစ်များ

DANIEL 7:4

A hmasa bik cu chiandeih bantuk a si nain mupi thla bantuk a ngei. Ka hei zoh i cu ah cun a thla cu an phawi hna i vawlei cun an vun cawi i minung bantukin a ke pahnih in an dirter; cun amah cu minung lungthin zong kha an pek.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

NAHUM 3:17

Van i arfi zat in nan mingiatu hna cu an tam; a thli tein nan i chiahmi hna cu khaubawk zat an si, Nan ralbawi hna cu, khua kih ni i vampang i aa dormi khaubawk zat an si; Sihmanhsehlaw ni a hung chuah tikah an zuang i khuazei ah dah an loh kha ahohmanh nih an hngal lo.

BIAPHUAN 6:2

Ka hun zoh i rang rang pakhat ka hmuh. A cung i aa citmi nih cun likuk pakhat aa put i amah cu bawiluchin pakhat an pek. Teitu nih tei awkah aa thawh bantukin aa thawh.

BIAPHUAN 9:3

Meikhu chung cun khaubawk an chuak i vawlei cungah an rung ṭum; tlangngaikuang ṭhawnnak bantuk kha khaubawk cu an pek hna.