BIAPHUAN 9:6 - Lai (Hakha) Common Language Bible 2006

⁶ Cu thla nga chung cu kha mi hna nih khan thih an i duh deuh lai, sihmanhsehlaw an thi kho ṭung lai lo; thih kha an i kawh lai, sihmanhsehlaw thihnak nih a zamtak ṭung hna lai.

Laibaibal Thiang (BSI)

⁶ Cu cân ah cun mi nih thihnâk an kawl lai i an hmu lai lo. Thih an duh ngai nain thihnâk nih a zâmtâk hna lai.

BIAPHUAN 9:6 ပူးပေါင်းရင်းမြစ်များ

2 SAMUEL 1:9

Cun anih nih keimah cu, ‘Ka pawngah dir law ka that tuah; zeitintiah vansang auhnak nih a ka tlaih cang, asinain ka nung rih ṭung,’ tiah a ka ti.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

JEREMIAH 8:3

Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

LUKA 23:30

Cu caan cu mi nih tlang hna cu, ‘Kan tlak u,’ an ti hna i, fing hna cu, ‘Kan khuh u,’ an ti caan a si lai.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!