BIAPHUAN 9:20 - Lai (Hakha) Common Language Bible 2006

²⁰ Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

Laibaibal Thiang (BSI)

²⁰ Asinain cu zawtnâk nih a thah lomi minung hna nih an kut chuak milem sui milem ngun le dar le thing le lung in an sermi milem zeihmanh a hmu kho lomi, thawng a thei kho lomi, a kal kho lomi milem kha bia ti lo dingin an i ngaihchih hlei lo.

BIAPHUAN 9:20 ပူးပေါင်းရင်းမြစ်များ

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

2 CHANRELNAK 34:25

Annih nih an kut in an ṭuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo.

SALM 106:37

An fapale le an fanule kha lawkih pathian sinah rai ah an thawi hna;

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

ISAIAH 41:7

Lehtama nih sui serpa kha, “Na tuahmi a ṭha,” a ti. Siasal a milhtu nih khan siasal cu hmunkhat ah thir in a funtomtu kha, na lung ṭhawng ko, a ti. Pakhat nih, ‘Na senghnak cu a ṭha ko,’ a ti i annih nih siasal cu thir in a umnak ding hmun ah khan an khenh chih.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 25:6

pathian dang kha nan biak hna lo i an rian nan ṭuan hna lo i nan biak fawn hna lo i cun nan kut sermi siasal in ka thin zong kha nan ka phawh fawn lo ahcun nan cungah harnak ka tuah lai lo.

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 51:17

Mi vialte hi mihrut, hngalhnak ngei lo an si dih, Sui sertu vialte hna hi an siasal sermi hna nih hin zumhawktlak lo an siter dih hna. Zeicahtiah an milem sermi hna cu hlennak men an si i an chungah thaw a um lo.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

MIKAH 5:13

Nan ram chung i nan siasal hna le nan tung thiang hna kha ka hrawh dih hna lai; Nanmah nih nan kut in nan serchommi thil hna hmaiah khan hmaizahnak in nan kun ti lai lo.

MATTHAI 21:32

Zeicahtiah Johan cu nan sinah a ra i ahmaanmi lam zulh awk kha an hmuhsak hna, sihmanhsehlaw nannih nih cun nan zum duh lo; ngunkhuai khawltu hna le hlawhhlangnu hna tu nih khan an zumh. Cucu nan hmuh hnu zongah nan lung nan i thleng duh ṭhiamṭhiam lo i amah kha nan zum duh hlei lo,” tiah a ti.

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

LAMKALTU 7:41

Khi tikah khan pei cawfa mui in siasal pakhat an ser i raithawinak an pek i anmah lila nih an sermi conglawmhnak ca i puai an ser kha a si cu.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

DEUTERONOMI 32:17

Nan pupa hna nih an ṭih bal lomi, Tunaite ah a chuakmi pathian hna, An hngalh bal lomi pathian hna, Pathian a si lomi khuachia hna sinah cun rai an thawi.

DEUTERONOMI 4:28

Cun khika ah thing le lung in sermi pathian, minung kut sermi, hmuh zong a hmu kho lomi, theih zong a thei kho lomi, ei zong a ei kho lomi, rim zong a hnim kho lomi cu nan biak hna lai.

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

BIAPHUAN 15:1

Cun van ah khin khuaruahhar le lianngan ngai a simi hmelchunhnak a dang pakhat ka hmuh ṭhan. Vancungmi pasarih, hremnak pasarih aa putmi kha ka hmuh hna i cu hremnak cu a hmanung bik an si cang, zeicahtiah Pathian thinhun phuannak a donghnak an si.

BIAPHUAN 16:8

Cun vancungmi palinak nih a kanto kha ni cungah a bungh i ni cu mi kha khanghnak nawl a hmu.

BIAPHUAN 9:19

Rangtum cu an ṭhawnnak kha an kaa le an mei ah a um. An mei cu lu an ngei i rul bantuk an si, an mei cun mi kha an hrem hna.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.