BIAPHUAN 9:1 - Lai (Hakha) Common Language Bible 2006

¹ Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.

Laibaibal Thiang (BSI)

¹ Cuticun vanmi panganâk nih a hun tum i van in arfi pakhat leiah a tlâk kha ka hmuh, A sinah taw a ngei lomi khor tawh kha an pêk.

BIAPHUAN 9:1 ပူးပေါင်းရင်းမြစ်များ

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

LUKA 10:18

Jesuh nih a leh hna i, “Satan kha van in nimtlau bantukin a tlak kha ka hmuh.

LUKA 8:31

Khuachia nih khan Jesuh cu dongh hngal lo khor thukpi chungah khan kan thla sawh hlah tiah an nawl.

ROM 10:7

Cun, “Ahodah mithi khua ah a vung ṭum lai,” ti zongah i ti fawn hlah (cu sullam cu Khrih kha mithi hna sinin hun kaipi awkah ti a si).

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 20:1

Cun vanmi pakhat vancung in a rung ṭum i dongh hngal lo khor tawh le cikcin nganpi aa put kha ka hmuh.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 6:13

Cun thli fak nih a kung a hninh tik i theipi kuh a ṭilmi bantuk khin arfi cu vancung in vawlei ah an rung tla.

BIAPHUAN 8:10

Vancungmi pathumnak nih khan a muko cu a vun tum, meifar alh bantuk a simi arfi nganpi pakhat cu van in, tiva cheu thum cheu khat le cerh cheu thum cheu khat cungah, a rung tla.

BIAPHUAN 8:12

Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.