BIAPHUAN 8:7 - Lai (Hakha) Common Language Bible 2006

⁷ Vancungmi pakhatnak nih khan a muko cu a vun tum, rial le mei, thisen he aa cawhmi a sur in vawlei cungah an sur. Vawlei cheu thum cheu khat kha a kang dih, thingkung cheu thum cheu khat kha an kang i ram hring vialte kha an kang dih.

Laibaibal Thiang (BSI)

⁷ Vanmi pakhatnâk nih a hun tum: Cun mei le rial nih a zulh i thisen he â cawhmi kha vulei ah a sur. Vulei cheuthum cheukhat kha a kâng dih, thingkung hna zong cheuthum cheukhat a kâng dih i ram hring vialte zong a kâng dih.

BIAPHUAN 8:7 ပူးပေါင်းရင်းမြစ်များ

SALM 105:32

An ram ah khan ruah surter loin rial le ṭek lehlam kha a tlakter hna.

EXODUS 9:33

Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 32:19

(Tupi cungah khan rial an tla lai i khuapi cu an rawk lai.)

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

JOEL 2:30

“Cu ni a rat lai nakding hmelchunhnak hna cu van le vawlei ah ka langhter hna lai: Thisen chuahnak le mei le meikhu tlangtlang an si lai.

JEIM 1:11

Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

BIAPHUAN 12:4

A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 16:2

Vancungmi pakhat cu a kal i a kanto cu vawlei ah khan a bungh. Sahrang hmelchunhnak a ngeimi hna le a milem a biami hna kha ṭih a nung ngaingaimi le a fak ngaingaimi hmachia nih a tlunh hna.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.

BIAPHUAN 7:1

Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.

BIAPHUAN 9:15

Vancungmi pali cu a thlah hna, annih cu hi suimilam thengte le hi ni thengte le hi thla thengte le hi kum thengte i minung vialte cheu thum cheu khat a thattu ding i rak timhlamhmi kha an si.

BIAPHUAN 9:18

Rangtum hna kaa chungin a chuakmi hremnak pathum, mei le meikhu le kat nih cun, minung cheu thum cheu khat an thah hna.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.