BIAPHUAN 8:12 - Lai (Hakha) Common Language Bible 2006

¹² Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

Laibaibal Thiang (BSI)

¹² Vanmi palinâk nih a hun tum i ni le thlapa le arfi kha cheuthum cheukhat cio an mui. Chun ah cheuthum cheukhat cu a ceu ti lo. Cubantuk ṭhiamṭhiam in zan zongah a si.

BIAPHUAN 8:12 ပူးပေါင်းရင်းမြစ်များ

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

JEREMIAH 4:23

Khi tikah vawlei kha ka zoh i, zohhmanh, a rawk dih i a lawngpi a si ko; Vancung khi ka hei zoh hna i an ceunak kha a um ti lo.

JOEL 2:10

An hmaiah cun vawlei kha aa hnin i van kha an ther, Ni le thlapa kha an mui i arfi kha an ceu ti lo.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

JOEL 3:15

Ni le thlapa cu an mui i arfi cu an ceu ti lo.

AMOS 8:9

Bawipa nih hi bangin a ti: Khi ni ah cun ni kha chun ah ka tlakter lai i Vawlei kha chun lingpi ah ka muihter dup lai.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

MARKA 13:24

“Cu harnak caan hnuah cun ni cu a mui lai i thlapa cu a vang ti lai lo,

MARKA 15:33

Chun ah cu ram cu a dihlak in muihnak nih suimilam pathum chung a khuh.

LUKA 21:25

“Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.

LAMKALTU 2:20

Bawipa Ni, a sunglawimi ni le a liannganmi ni a phak hlanah khan Ni cu a mui lai i thlapa cu thisen bantukin a sen lai.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

BIAPHUAN 12:4

A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

BIAPHUAN 9:15

Vancungmi pali cu a thlah hna, annih cu hi suimilam thengte le hi ni thengte le hi thla thengte le hi kum thengte i minung vialte cheu thum cheu khat a thattu ding i rak timhlamhmi kha an si.

BIAPHUAN 9:18

Rangtum hna kaa chungin a chuakmi hremnak pathum, mei le meikhu le kat nih cun, minung cheu thum cheu khat an thah hna.