BIAPHUAN 8:11 - Lai (Hakha) Common Language Bible 2006

¹¹ (Cu arfi cu a min ah ‘A kha’ ti a si). Ti cu cheu thum cheu khat a kha i, ti cu a khaat caah cu ti a dingmi cu mi tampi an thi.

Laibaibal Thiang (BSI)

¹¹ Cu arfi min cu “Khâ” ti a si. Cuticun ti cheuthum cheukhat kha a khâ dih i ti cu a khât tuk caah mi tampi an thi,

BIAPHUAN 8:11 ပူးပေါင်းရင်းမြစ်များ

EXODUS 15:23

Cerh Khaa kha an va phan i a ti kha a rak khaat tuk caah an ding kho lo. Cucaah cun a min ah Cerh Khaa tiah an sak.

PHUNGTHLÛKBIA 5:4

Sihmanhsehlaw a donghnak ah cun anfangkha bantukin a kha i kap hnih har nam bantukin a har.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

JEREMIAH 9:15

Cucaah Ralkapbu Bawipa keimah Israel Pathian nih ka tuah laimi kha ngai hmanh. Ka mi hna hi ei awkah anfangkha ka pek hna lai i din awkah sivai cawhmi ti kha ka pek hna lai.

ṬAHNAK HLA 3:19

Ka temhnak le ka vahvaihnak ka ruah ah hin Anfangkha le hnitkha bantuk an si ko.

ṬAHNAK HLA 3:5

Ka velchum in vampang kha a chon hna, ka hnulei he ka hmailei he,

AMOS 5:7

Biading kha a bingtalet in a thlai i, Dinnak kha vawlei ah a hril i,

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

ZEKHARIAH 13:8

Mah zong hi Bawipa bia hrimhrim a si ṭhan: “Ram chungah hitihin thil a um lai, Mi kha cheu thum cheu hnih tuk an si lai i an thi lai, Cun cheu thum cheu khat cu cuka ah cun nganh an si lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

BIAPHUAN 12:4

A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 8:7

Vancungmi pakhatnak nih khan a muko cu a vun tum, rial le mei, thisen he aa cawhmi a sur in vawlei cungah an sur. Vawlei cheu thum cheu khat kha a kang dih, thingkung cheu thum cheu khat kha an kang i ram hring vialte kha an kang dih.

BIAPHUAN 9:15

Vancungmi pali cu a thlah hna, annih cu hi suimilam thengte le hi ni thengte le hi thla thengte le hi kum thengte i minung vialte cheu thum cheu khat a thattu ding i rak timhlamhmi kha an si.

BIAPHUAN 9:18

Rangtum hna kaa chungin a chuakmi hremnak pathum, mei le meikhu le kat nih cun, minung cheu thum cheu khat an thah hna.

RUTH 1:20

Cun anih nih annih cu, “Naomi ka ti hlah u, Mara ka ti u, zeicahtiah Lianngan Bik nih khaa ngaingai in ka cungah a tuah cang.