BIAPHUAN 8:1 - Lai (Hakha) Common Language Bible 2006

¹ Tuufa nih cakhenh pasarihnak kha a phoih i vancung cu suimilam a cheu chung dai ṭhup in a um.

Laibaibal Thiang (BSI)

¹ Chinchiahmi pasarihnâk a hun phoih tikah, suimilam a cheu hrawng vancung cu a dai.

BIAPHUAN 8:1 ပူးပေါင်းရင်းမြစ်များ

JOB 4:16

Mui thluamthlam cu khika ah a dir ko, sihmanhsehlaw a mui kha ka hliah kho lo; Thil pakhat ka hmaiah a hung lang i Thawng pakhat, a aw a kua ngaimi cu ka theih:

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

SALM 62:1

Pathian lawnglawng kaa bochan, amah sinin ka khamhnak cu a ra.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

MATTHAI 27:66

Cucaah an va kal i thlan cu him tein an cawnghter hna; lung kha ca an khenh i ralvengtu pawl kha, run veng u, an ti hna.

BIAPHUAN 5:1

Bawiṭhutdan cung i a ṭhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa ṭial dih i cakhenh pasarih in an khenh chih.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

BIAPHUAN 6:3

Cun Tuufa nih cun cakhenh pahnihnak kha a phoih i saram nung pahnihnak nih, “Ra,” a ti kha ka theih.

BIAPHUAN 6:5

Cun Tuufa nih cun cakhenh pathumnak kha a phoih; cun saram nung pathumnak nih, “Ra,” a ti kha ka theih. Ka hun zoh i rang nak pakhat ka hmuh. A cung i aa citmi nih cun cuaithlainak pakhat aa put.

BIAPHUAN 6:7

Cun Tuufa nih cun cakhenh palinak kha a phoih i saram nung palinak nih, “Ra,” a ti kha ka theih.

BIAPHUAN 6:9

Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakṭheng toiah cun ka hmuh hna.