BIAPHUAN 7:9 - Lai (Hakha) Common Language Bible 2006

⁹ Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.

Laibaibal Thiang (BSI)

⁹ Cu thil hna hnu ah ka hun zoh i ngaihmanh mibupi ahohmanh i rel cawk lo, phunkip chung le hrinkip chung le, mikip chung le, holhphun kip chungin a rângmi angkifual in an i thuam, an kut in tûmhnah kha an i ken i bawiṭhutdanh hmai le Tuufano hmaiah an dir kha ka hmuh.

BIAPHUAN 7:9 ပူးပေါင်းရင်းမြစ်များ

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 76:4

Zeitluk in dah na sunparnak cu a lianhngan, maw Pathian! Na ral na tei hnanak tlang in na ra kir tikah khan, zeitluk in dah na rumra kha a ngan!

SALM 77:2

Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 3:17

Khi caan a phak tikah Jerusalem cu Bawipa bawiṭhutdan ti a si lai, Miphun vialte cu Jerusalem ah cun Bawipa min upat awkah an i pum lai; Annih nih a ṭha lomi an lungthin kha fek ṭhup in an zul ti lai lo.

EZEKIEL 47:5

Dong thong khat a vun tah ṭhan i tilianpi ah a cang i ka tan kho ti lo, zeicahtiah ti cu a ṭhang tuk cang i a thuh leiah leuhnak tlak a simi a si cang; tan khawh lomi tilianpi ah a cang cang.

DANIEL 4:1

Siangpahrang Nebukhadnezzar nih, vawlei cung i a ummi miphun vialte hna le holh phun vialte hna sinah thawng kan thanh hna:

DANIEL 6:25

Cun Dairus Siangpahrang nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

LEVITIKAS 23:40

Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i Bawipa nan Pathian hmaiah ni sarih chung nan i lawm lai.

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

LUKA 12:1

Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

HEBRU 11:12

Mithi bantuk a si ko cang nain, hi mipa pakhat chung hin, van i arfi zat a simi le rili kam i rel cawk lo thetse zat tefa kha an chuak.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 22:3

Pathian nih chiat a serhmi thil paohpaoh cu cu khua chungah cun an um kho lai lo. Pathian bawiṭhutdan le Tuufa bawiṭhutdan cu khuapi chungah cun a um lai i a rianṭuantu hna nih khan an biak lai.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 5:11

Ka hun zoh ṭhan i vancungmi a rel in rel cawk lomi aw thawng kha ka theih. Annih cu bawiṭhutdan le saram nung pali hna le upa hna velchum ah khan an dir i

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

BIAPHUAN 7:8

Zebulun phun in thong hleihnih, Josef phun in thong hleihnih, Benjamin phun in thong hleihnih an si.