BIAPHUAN 7:15 - Lai (Hakha) Common Language Bible 2006

¹⁵ Cucaah cun Pathian bawiṭhutdan hmaiah an dir i chunzan in biakinn chungah a rian kha an ṭuan. Bawiṭhutdan cung i a ṭhumi nih khan a umpi hna i a ven hna.

Laibaibal Thiang (BSI)

¹⁵ Cucaah Pathian bawiṭhutdan hmaiah an um cang i chun zan hlan in a ṭempal ah a rian kha an ṭuan. Cun bawiṭhutdanh i a ṭhumi hrimhrim cu an sinah a um peng cang lai;

BIAPHUAN 7:15 ပူးပေါင်းရင်းမြစ်များ

1 SIANGPAHRANG 6:13

Cun Israel mi hna sinah khan ka um lai i ka mi Israel mi kha ka hlawt hna lai lo,” tiah a ti.

1 CHANRELNAK 23:25

Cucaah David nih hi bangin “Bawipa, Israel Pathian nih a mi cu daihnak a pek cang hna; cun Jerusalem ah zungzal in a um.

EXODUS 29:45

Israel mi hna lakah khan khua ka sa lai i keimah cu an Pathian ka si lai.

EZEKIEL 37:27

Cun ka umnak thladem toiah khan an um lai; kei cu an Pathian ka si lai i annih cu ka mi an si lai.

LEVITIKAS 26:11

Cun ka umnak cu nanmah lakah ka ser lai i ka nunnak nih an hua hna lai lo.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

1 KORIN 3:16

Pathian biakinn nan si kha nan hngalh i Pathian Thlarau nan chung i a um zong kha nan hngalh.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 13:6

Pathian le Pathian min le Pathian a umnak hmun vancung khua i a ummi vialte kha a vawlh a pamh hna.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 21:22

Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

BIAPHUAN 22:3

Pathian nih chiat a serhmi thil paohpaoh cu cu khua chungah cun an um kho lai lo. Pathian bawiṭhutdan le Tuufa bawiṭhutdan cu khuapi chungah cun a um lai i a rianṭuantu hna nih khan an biak lai.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 4:8

Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

BIAPHUAN 4:9

A nungmi saram pali nih cun bawiṭhutdan cung i a ṭhumi, zungzal in zungzal tiang a nungmi cu, sunparnak le upatnak le lawmhnak hla in an thangṭhat.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.