BIAPHUAN 6:4 - Lai (Hakha) Common Language Bible 2006

⁴ Rang dang pakhat a hung chuak i rang sen a si. A cung i aa citmi cu, vawlei cung i ral thawhternak ṭhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek.

Laibaibal Thiang (BSI)

⁴ Cun rang dang mei bantuk i a senmi a hung chuak, a cung i â citmi sinah mi thahnâk le vulei daihnâk lakpiaknâk kha an pêk. Cun vainam nganpi zong kha an pêk;

BIAPHUAN 6:4 ပူးပေါင်းရင်းမြစ်များ

SALM 17:13

Maw Bawipa, ra law ka ral hi do hna law tei hna! Miṭhalo hna kut chung hin na vainam in ka chanh tuah,

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

ZEKHARIAH 1:8

Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a nak le a pawl le a rang kha an um.

ZEKHARIAH 6:2

Rangleng pakhatnak nih cun rangtum sen a ngeih hna, pahnihnak nih rangtum nak a ngeih hna,

MATTHAI 10:34

“Vawlei cungah daihnak tlunter awkah a ra, tiah ka ruat hlah u, daihnak tlunter awkah ka ra lo, vainam tlunter awk tu ah ka ra.

MATTHAI 24:6

Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.