BIAPHUAN 6:17 - Lai (Hakha) Common Language Bible 2006

¹⁷ An thinlinh ni ni lianngan cu an phan cang i aho nih dah a celh lai,” a ti.

Laibaibal Thiang (BSI)

¹⁷ Zeitintiah a thinhunnâk ni lianngan cu a phân cang, ahodah a dir kho lai” tiah an ti.

BIAPHUAN 6:17 ပူးပေါင်းရင်းမြစ်များ

SALM 110:5

Bawipa cu na orhlei kamah a um ko; a thin a hun ni ah siangpahrang kha a tei hna lai.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 76:7

Sihmanhsehlaw nangmah cu mi nih an in ṭih hringhran ko! Na thin a hun ahcun ahodah na hmaiah a dir ngam lai?

ISAIAH 63:4

Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

JEREMIAH 30:7

Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

MALAKHI 3:2

Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a ṭhu lai i ngun an thianh bantukin a thianh hna lai;

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

JUDAS 1:6

Cun Pathian nih, hi vial hi nan nawl ngeihmi a si lai, tiah a ti i cu chung i a um duh lomi vancungmi hna kong kha philh hlah u. Vawlei tang muihnak ah khin thir cikcin in zungzal an hren hna i sualphawt an si lai ni, ni lianngan a phak tiang cuka ah cun Pathian nih a chiah hna lai.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

1 SAMUEL 6:20

Cun Beth-shemesh khuami nih, “Hi Pathian thiang, Bawipa, hmaiah hin ahodah a dir kho lai? Kannih sin hin aho sinah dah a hung kal lai?” an ti.