BIAPHUAN 6:15 - Lai (Hakha) Common Language Bible 2006

¹⁵ Cun vawlei cung siangpahrang hna le uktu hna le ralbawi hna le mirum hna le miṭhawng hna le midang vialte cu sal he a luatmi he, tlang cung lungkua le lungpi toiah an i thup dih.

Laibaibal Thiang (BSI)

¹⁵ Cun vawlei i siangpahrang hna le mingan hna le ralbawi hna le mirum hna le miṭhawng hna le sal le miluat vialte hna cu lungkua le tlang le lungpi karlak hna ah an i thup dih,

BIAPHUAN 6:15 ပူးပေါင်းရင်းမြစ်များ

GENESIS 3:8

Cu ni zanlei sang ah cun Bawipa Pathian cu dum chung i aa chawh kha an theih i thing lakah khan an i thup.

SALM 76:12

a ruam a kaimi bawi kha a ṭhumh hna i siangpahrang nganngan kha therphang lengmang in a umter hna.

ISAIAH 2:10

Bawipa thinhunnak kha thuhtak awkah le a ṭhawnnak le a sunparnak kha thuhtak awkah, lungpang tamnak tlang lungkua chungah an i thup lai, asiloah, vawlei ah khor an i cawh lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 42:22

Sihmanhsehlaw atu ah cun a mi hna cu mi nih an ramh hna, vawlei tang thonginn chungah an khumh hna i thonginn chungah an hrenh hna. An ramh hna i an thil an chuh hna, ahohmanh a chanhtu hna an um lo.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.

HEBRU 11:38

Vawlei hi an caah umnak ah a ṭha theng lem lo. Ralzam bantukin ramlak le tlang ah an zam i vawlei tang lungkua le khor ah khua an sa.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIACEIHTU 6:2

Cun Midian kut nih cun Israel cu a tei; Midian ruang ah cun Israel mi hna nih tlang i a ummi khor hna le lungkua hna le ralhau hna cu an i ser.

1 SAMUEL 13:6

Israel mi nih harnak chungah kan um ti kha an hmuh tikah (zeitintiah annih cu fak piin an det hna) mi hna cu lungkua hna le khor hna le lungpi chung hna le thlan chung hna le ti inn chung hna ah an i thup,