BIAPHUAN 6:14 - Lai (Hakha) Common Language Bible 2006

¹⁴ Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.

Laibaibal Thiang (BSI)

¹⁴ Cun van khi cazual bangin tlau lakin â zual i tlang le tikulh hna cu an umnâk hmun in ṭhial an si.

BIAPHUAN 6:14 ပူးပေါင်းရင်းမြစ်များ

SALM 102:26

Van le vawlei cu an lo dih lai, sihmanhsehlaw nang cu na hmun lai; annih cu puan bangin an ṭet lai. Puan bangin na thlen hna lai i an lo lai;

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

JEREMIAH 3:23

Tlangpar i tuahmi biaknak sin khin bawmhnak zeihmanh a ra lo i Tlang sang cung i au lennak zong khin zeihmanh a ra lo; A ngaingai ti ahcun, Bawipa kan Pathian chung lawngah hin Israel khamhnak cu a um.

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

EZEKIEL 38:20

Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

BIAPHUAN 16:20

Tikulh vialte kha an lo dih i tlang vialte zong kha an lo dih.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 21:1

Khi hnuah van thar le vawlei thar kha ka hmuh hna. Van hmasa le vawlei hmasa kha an lo cang i rili kha a um ti lo.