BIAPHUAN 6:13 - Lai (Hakha) Common Language Bible 2006

¹³ Cun thli fak nih a kung a hninh tik i theipi kuh a ṭilmi bantuk khin arfi cu vancung in vawlei ah an rung tla.

Laibaibal Thiang (BSI)

¹³ Cun theipi kung thlichia nih a hranh i a tlai hmadung kha a ṭhilh dih hna bang khin, van in arfi hna cu vulei ah an tla.

BIAPHUAN 6:13 ပူးပေါင်းရင်းမြစ်များ

JOB 15:33

An hmin hlanah a thei a ṭhilmi mitsur ruang bantuk a si lai i A par a thlongmi oliv kung bantuk a si lai.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

EZEKIEL 32:7

Na ceunak kha ka hmih tikah van kha ka phenh lai i a arfi hna kha ka muihter hna lai; ni cu minmei in ka phenh lai i thlapa nih a ceunak a chuah lai lo.

DANIEL 4:14

Cu nih cun fak piin a au i, “Thingkung kha hau u, a nge kha thlam hna u, a hnah kha zun hna u law a thei kha ṭhek dih hna u. A toi i aa dormi ram sa hna kha zam hna seh law a nge i aa fumi va hna kha zuang hna seh;

DANIEL 8:10

Vancung ralkapbu tluk i lianhngan khi a duh i cu bu hna chung i tlawmpal le arfi tlawmpal cu vawlei ah a thlak hna i a lamh hna.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

NAHUM 3:12

Na ralhau hna cu a hminmi theipi bantuk an si ko, Hninh an si tikah a eitu hna kaa chungah khan an tla.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

MARKA 13:25

van in arfi cu an tla lai i van ṭhawnnak cu an i hnin lai.

LUKA 21:25

“Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.

BIAPHUAN 9:1

Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.