BIAPHUAN 6:11 - Lai (Hakha) Common Language Bible 2006

¹¹ Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

Laibaibal Thiang (BSI)

¹¹ Cuticun annih cu angkifual a rângmi an pêk cio hna i an sinum hna le an unau hna anmah bantuk i thah ding hna cu an thah dih hna hlan cu hngak rih dingin an chimh hna.

BIAPHUAN 6:11 ပူးပေါင်းရင်းမြစ်များ

DANIEL 12:13

Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 11:40

zeicahtiah kan caah Pathian nih khuakhannak ṭha deuh a ngeih caah a si; annih kha kanmah he lawngin tlinnak a hmu kho ding an rak si.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 4:10

zeicahtiah Pathian cu a rian in aa dinh bantukin Pathian dinhnak chungah a lutmi cu an rian in an i din ve.

BIAPHUAN 10:6

zungzal in zungzal tiang a nungmi Pathian, van le a chung i a ummi thil vialte a sertu, vawlei le a chung i a ummi thil vialte a sertu, rili le a chung i a ummi thil vialte a sertu min khan biakamnak a ser. Vancungmi nih cun aa thawh i, “A rau ti lai lo.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.