BIAPHUAN 6:10 - Lai (Hakha) Common Language Bible 2006

¹⁰ Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

Laibaibal Thiang (BSI)

¹⁰ Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.

BIAPHUAN 6:10 ပူးပေါင်းရင်းမြစ်များ

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

SALM 119:84

Zei can dah ka ngan a herh rih lai? A ka hremtu kha zeitik ah dah dan na tat hna lai?

SALM 13:1

Zei can dah na ka philh lai, maw Bawipa? Na ka philh zungzal ko lai maw? Zei can dah na ka thuh tak rih lai?

SALM 35:17

Bawipa, zei can dah na zoh ko rih hna lai? An kut chungin ka chuah law hi chiandeih hna kut chung hin ka nunnak khamh ko.

SALM 79:10

Zeicahdah miphun dang hna nih, “Nan Pathian cu khuazei ah dah a um kun?” tiah an kan ti lai? Na sal kha an thi an luanter hna caah miphun dang pawl dan na tat hna cu kan mit hrimhrim nih hmu seh.

SALM 9:12

Pathian nih hremnak a ingmi kha a philh hna lo i an aunak kha a philh lo: an cung i ṭhat lonak a tuahtu kha dan a tat hna.

ISAIAH 61:2

Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

ṬAHNAK HLA 3:64

Maw Bawipa, an tuahmi ruangah lehrul ko hna, Annih nih hmuh awkah an i tlakmi cu pe ko hna.

DANIEL 12:6

Cun pakhat nih cun puan hmangṭhia aa aih i tiva a hnalei deuh ah a ummipa cu a hei chawnh i, “Hi hmelchunhnak hna hi an dongh tiangah zei can dah a rauh rih lai,” tiah a hal.

DANIEL 8:13

Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

LUKA 2:29

“Nihin ah hin, maw Bawipa, nangmah nih na salpa cu dai tein ka rian na ka limter cang, Atu cu nangmah na biakamnak kha a tling cang.

LUKA 21:22

Zeicahtiah mah hihi ‘Dantatnak Ni’ tiah timi kha a si i Cathiang nih a chimmi vialte cu a tlinnak ding caah umter dingmi an si.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 18:24

Profet hna le Pathian mi hna kha a chungah an thisen an chuah hna caah Babilon cu dantat a si cang; asi, vawlei cungah thah a simi vialte hna an thisen cu amah chungah cun hmuh an si dih!

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

BIACEIHTU 16:28

Cun Samson nih Bawipa kha a auh i, “Maw Bawipa Pathian, ka hngal ṭhan ko tiah kan nawl, ka ṭhawnter ṭhan ko tiah kan nawl, hi voi khatte hi cu, maw Pathian, Filistin mi hna cungah hin ka mit pahnih lak i pakhat caah hin phu ka hlam nakhnga, ka ṭhawnter ko,” tiah a ti.

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.