BIAPHUAN 5:9 - Lai (Hakha) Common Language Bible 2006

⁹ Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

Laibaibal Thiang (BSI)

⁹ Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 5:9 ပူးပေါင်းရင်းမြစ်များ

SALM 144:9

Maw Pathian, nangmah cu hla thar in kan thangṭhat lai, tingtang kha kaa tum lai i kan thangṭhat lai.

SALM 149:1

Bawipa cu thangṭhat u! Bawipa cu hla thar in thangṭhat u; a mithiang an i pumhnak ah amah cu thangṭhat u.

SALM 33:3

Hla thar in thangṭhat u, dawh ngaiin hri hra tingtang cu tum u law fak piin hla sa u.

SALM 40:3

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i Bawipa kha an i bochan lai.

SALM 96:1

Bawipa cu hla thar in thangṭhat u, vawlei mi vialte hna, Bawipa cu hla in thangṭhat u!

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

DANIEL 3:4

Khi tikah tlangautu nih khan fak piin a au i,

DANIEL 4:1

Siangpahrang Nebukhadnezzar nih, vawlei cung i a ummi miphun vialte hna le holh phun vialte hna sinah thawng kan thanh hna:

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 6:25

Cun Dairus Siangpahrang nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

1 KORIN 7:23

Pathian nih man in an cawkmi nan si; cucaah minung sal ah cun i cang hlah u.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 11:14

Cu bantukin bia a chimmi hna nih cun, anmah ta a simi ram an kawl kha an langhter.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

BIAPHUAN 10:11

Cun, “Pathian nih miphun dangdang hna le ram dangdang hna le holh phun dangdang hna le siangpahrang tampi hna kong i a chimmi bia kha na chim ṭhan awk a herh lai,” an ka ti.

BIAPHUAN 11:9

Phun kip, ram kip, le holh kip chungin a rami hna nih khan an ruak cu ni thum le a cheu chung an zoh hna lai i vui kha onh an si lai lo.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 14:6

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 17:15

Vancungmi nih cun a ka thawh ṭhan i, “Hlawhhlangnu a ṭhutnak rilipi na hmuhmi kha miphun hna le ram hna le holh hna le mi hna an si.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

BIAPHUAN 5:12

fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.