BIAPHUAN 5:6 - Lai (Hakha) Common Language Bible 2006

⁶ Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

Laibaibal Thiang (BSI)

⁶ Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 5:6 ပူးပေါင်းရင်းမြစ်များ

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 8:3

Khua ka hei zoh i cu ah cun tuukawng pakhat ki pahnih a ngeimi keimah le tiva kam i a dir ko kha ka hmuh. Cu a ki cu an pahnih in an sau i a hnu deuh i a hung khomi cu a dang pakhat nakkhan a sau deuh.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

HABAKKUK 3:4

A ceunak cu ni ceunak bantuk a si, Amah sin cun ceunak kha an chuak; Cu hna hnulei ah cun a ṭhawnnak kha aa thup.

ZEKHARIAH 3:9

Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

NAMBAR 7:39

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

NAMBAR 7:57

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 1:36

Johan nih cun a hei zoh i, “Pathian Tuufa khi zohhmanh u,” tiah a ti.

LAMKALTU 8:32

A rak rel lengmangmi caang cu hihi a si: “Amah cu thah awkah hruaimi tuu bantuk a si, amah cu a hmul an meh tikah a awn-au lomi tuufa bantuk a si; bia kaa khat hmanh chim lo tein a um ko.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 21:22

Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:3

Pathian nih chiat a serhmi thil paohpaoh cu cu khua chungah cun an um kho lai lo. Pathian bawiṭhutdan le Tuufa bawiṭhutdan cu khuapi chungah cun a um lai i a rianṭuantu hna nih khan an biak lai.

BIAPHUAN 4:8

Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

BIAPHUAN 5:11

Ka hun zoh ṭhan i vancungmi a rel in rel cawk lomi aw thawng kha ka theih. Annih cu bawiṭhutdan le saram nung pali hna le upa hna velchum ah khan an dir i

BIAPHUAN 5:12

fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 5:13

Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih, “Bawiṭhutdan cung i a ṭhumi le Tuufa cu, thangṭhatnak, upatnak, sunparnak le ṭhawnnak kha, An cungah zungzal in zungzal tiang um ko seh,” tiin hla an sak kha ka theih.

BIAPHUAN 5:14

Saram nung pali hna nih khan, “Amen,” tiin an rak leh hna i upa hna cu an kun i an biak.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.