BIAPHUAN 5:11 - Lai (Hakha) Common Language Bible 2006

¹¹ Ka hun zoh ṭhan i vancungmi a rel in rel cawk lomi aw thawng kha ka theih. Annih cu bawiṭhutdan le saram nung pali hna le upa hna velchum ah khan an dir i

Laibaibal Thiang (BSI)

¹¹ Cuticun ka hun zoh i bawiṭhutdan le thilnung hna le upa hna umnâk velchum ah vanmi tampi aw ka theih, an tamning cu a thong thongin thong tampi an si.

BIAPHUAN 5:11 ပူးပေါင်းရင်းမြစ်များ

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

SALM 148:2

A vancungmi vialte hna, amah cu thangṭhat u, a vancung ralkap vialte hna, amah cu thangṭhat tuah u!

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

BIAPHUAN 19:6

Cun mibu nganpi aw bantuk, tisor nganpi thawng bantuk, khuari thawng bantuk a simi aw pakhat kha ka theih. “Bawipa, Lianngan Bik, kan Pathian cu Siangpahrang a si caah, thangṭhat ko u!

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 4:6

Bawiṭhutdan hmaiah cun thlalang fim bantuk a simi rili a um. Bawiṭhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.

BIAPHUAN 5:14

Saram nung pali hna nih khan, “Amen,” tiin an rak leh hna i upa hna cu an kun i an biak.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

BIAPHUAN 7:11

Vancungmi vialte cu bawiṭhutdan le upa hna le saram nung pali hna vel chum ah khan an dir. Cun bawiṭhutdan hmaiah cun an kun i Pathian kha an biak i

BIAPHUAN 9:16

An rangcung ralkap hna cu nuai za hnih an si tiah an ka chimh.