BIAPHUAN 4:8 - Lai (Hakha) Common Language Bible 2006

⁸ Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

Laibaibal Thiang (BSI)

⁸ Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

BIAPHUAN 4:8 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 3:14

Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 62:1

Jerusalem cu lung ṭhawnnak pek awkah bia ka chimh lai, khamhnak a hmuh hlantiang le, a teinak zan meifar ceu bantukin a ceu hlantiang ka dai hrimhrim lai lo.

EZEKIEL 1:18

Cun leng kekual pali hna nih cun tlang an ngei cio i tung zong an ngei dih; cun an tlang cu a velchum in mit in a khat dih.

EZEKIEL 1:5

Cun mei chungah cun minung mui a lomi thilnung pali an um. An muisam cu hi bantuk hi an si: minung pumruang an ngei.

EZEKIEL 1:6

Sihmanhsehlaw pakhat nih hmai pali cio an ngei i thla pali cio zong an ngei fawn.

EZEKIEL 10:12

An pum cu a dihlak in, an keng he an kut he an thla he mit an khat dih, an palite cun, lengkekual zong kha mit an khat dih.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.

HEBRU 13:8

Jesuh Khrih cu nizan le nihin le zungzal in amah ning a si ko.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 15:7

Cun saram nung pali hna lak i pakhat nih khan vancungmi pasarih hna cu, zungzal in zungzal tiang a nungmi Pathian thinhunnak in a khatmi sui kanto pasarih kha a pek hna.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

BIAPHUAN 19:4

Upa kul le pali hna le saram nung pali hna nih khan an kun i bawiṭhutdan cungah a ṭhumi Pathian kha an biak i, “A men! Pathian cu thangṭhat ko u,” an ti.

BIAPHUAN 21:22

Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 4:6

Bawiṭhutdan hmaiah cun thlalang fim bantuk a simi rili a um. Bawiṭhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.

BIAPHUAN 4:9

A nungmi saram pali nih cun bawiṭhutdan cung i a ṭhumi, zungzal in zungzal tiang a nungmi cu, sunparnak le upatnak le lawmhnak hla in an thangṭhat.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

BIAPHUAN 6:6

Saram nung pali hna lakin a chuakmi aw a lomi aw pakhat ka theih i cu aw nih cun, “Ni khat ni hlawh caah changvut cu khiat khat, barli cu khiat thum. Sihmanhsehlaw oliv chiti le mitsur hang cu hrawk hna hlah,” a ti.

BIAPHUAN 7:11

Vancungmi vialte cu bawiṭhutdan le upa hna le saram nung pali hna vel chum ah khan an dir. Cun bawiṭhutdan hmaiah cun an kun i Pathian kha an biak i

BIAPHUAN 7:15

Cucaah cun Pathian bawiṭhutdan hmaiah an dir i chunzan in biakinn chungah a rian kha an ṭuan. Bawiṭhutdan cung i a ṭhumi nih khan a umpi hna i a ven hna.