BIAPHUAN 3:4 - Lai (Hakha) Common Language Bible 2006

⁴ Asinain Sardis khua i a ummi tlawmpal nih cun nan puan kha thiang tein nan chiah ko. Puan rang aih in keimah sinah nan i chawk lai, zeicahtiah cu bantukin aa chawk dingah cun aa tlakmi nan si.

Laibaibal Thiang (BSI)

⁴ Sardis khua ah khan mi tlawmte an puan a thûrter lomi nan ngei; annih cu puanrang aih in ka sinah an leng ve lai, zeitintiah â tlâkmi an si.

BIAPHUAN 3:4 ပူးပေါင်းရင်းမြစ်များ

1 SIANGPAHRANG 19:18

Sihmanhsehlaw Israel chungah hin Baal hmai i a khuk aa bil lo i a hnamh zong a hnam lomi thong sarih kaa nganh hna lai,” tiah a ti.

ESTHER 8:15

Susa khuapi cu lunglawmhnak in a au len lioah khan Mordekai cu, siangpahrang puan a dum le a rang kha aa aih i sui luchin kha aa chinh i la hmangṭhia le sendung puan kha i aih in siangpahrang hmai cun a hung chuak.

SALM 68:14

Lianngan Bik Pathian nih siangpahrang hna cu Zalmon Tlang ah a ṭhek dih hna tikah khika ah hawhra kha a surter.

PHUNGCHIMTU 9:8

Lunglawm le thanuam in um zungzal ko.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

LEVITIKAS 13:48

a tah in tahmi siseh, a phiar in phiarmi siseh, la hmangṭhia siseh, sahmul zong siseh; saphaw siseh zeipaoh saphaw in sermi siseh,

MATTHAI 10:11

“Khuapi siseh, khuate siseh, nan phak tikah, tluninn an in awnhnak hna inn ah khan va kal u law cuka hmun in nan chuah hlantiang anmah cu va tlung ko hna u.

MARKA 16:5

Cucaah thlan chungah cun an lut i puan rang aa aih i orhlei kam i a rak ṭhumi tlangval pakhat an hmuh i an lau ngaingai.

LUKA 20:35

sihmanhsehlaw thihnak in thawh ṭhanter awktlak a simi hna le a ra lai dingmi chan i um awkah aa tlakmi hna cu an i ṭhi an i um lo.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

2 THESALON 1:5

Hi nih hin Pathian biakhiahnak a dinning cu a langhter. Sifahnak nan in hnawhchanmi Pathian Pennak he khan aa tlakmi an siter hna lai.

JUDAS 1:23

mei chung khan chuah hna u law khamh hna u. Cun midang zong kha ṭih le hmaizah kemh hna u, sihmanhsehlaw an pumsa duhnak an nehmi puan hrimhrim kha cu hua hna u.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.

BIAPHUAN 4:4

Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.