BIAPHUAN 3:2 - Lai (Hakha) Common Language Bible 2006

² Cucaah cun i hlau law na ngeih rihmi kha a thih taktak hlanah thazang thar la tuah. Zeicahtiah na tuahmi thil kha Pathian mit hmuh ah a tlingmi an si rih lo ti kha ka hmuh.

Laibaibal Thiang (BSI)

² I ralring law, an thih cuahmah lio ah a tangrihmi hna kha ṭhawnter hna. Na tuahmi kha Pathian hmaiah a tlingmi ka hmu hna lo.

BIAPHUAN 3:2 ပူးပေါင်းရင်းမြစ်များ

1 SIANGPAHRANG 11:4

Zeitintiah Solomon cu a hung tar tikah a nupi hna nih cun a lung cu pathian dang hna leiah an pialter i a pa David lung bang khan cun a lung cu a dih umnak in a Pathian Bawipa sinah khan a hmun lo.

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

2 CHANRELNAK 25:2

Bawipa mithmuh ah a dikmi kha a tuah, asinain, soisel awk um lo lung he a si lo.

JOB 16:5

Sihmanhsehlaw thazang peknak biatu kha ka chim lai i Nangmah hnemhnak bia ka chimmi cu tiva bangin a luang lai.

ISAIAH 35:3

A tha a bami cu an kut ṭhawnter hna u law a khuk a thermi cu thazang pe hna u

ISAIAH 56:10

A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

ISAIAH 57:12

Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna lai lo.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

DANIEL 5:27

tekel ti cu cuai thlainak ah thlai na si cang i na tling lo ti kha hmuh a si cang, tinak a si; u-pharsin ti cu, na pennak cu cheu a si cang, tinak a si i Media mi le Persia mi kha pek an si cang, ti a si,” tiah a ti.

ZEKHARIAH 11:16

zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a cawnghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 25:13

Cucaah cun, a ni siseh, a caan siseh, nan hngalh ṭung lo caah ralring tein um ko u.

MATTHAI 25:7

Ngaknu pahra cu an hun i hlau i an meiinn cu an hun timhtuah hna.

LAMKALTU 18:23

Cuka ah caan tlawmpal a um hnuah aa thawh ṭhan i Galatia le Frizia ram kha a tlawng hna i zumtu vialte kha thazang a pek hna.

DEUTERONOMI 3:28

Asinain Joshua cu nawl pe tuah, amah cu forh law, thazang pe tuah, zeitintiah hi mi hna lu ah hin a kal lai i na hmuh laimi ram cu a coter hna lai,’ a ka ti.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

BIAPHUAN 2:4

Sihmanhsehlaw ka lung na si lonak a um: cucu hmasa i na rak ka dawt bantuk khan na ka daw ti lo.

BIAPHUAN 3:1

“Sardis khua i a ummi Khrihfabu vancungmi sinah hi bangin va ṭial tuah: Hi bia hi Pathian thlarau pasarih le arfi pasarih a ngeimi bia kha a si. Na tuahmi kha ka hngalh, a nungmi a si tiah na min a thang nain na thi ko.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.