BIAPHUAN 3:19 - Lai (Hakha) Common Language Bible 2006

¹⁹ Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

Laibaibal Thiang (BSI)

¹⁹ Ka dawtmi cu ka sîk hna i ka chimhhrin tawn hna. Cucaah i zuam law i ngaihchih;

BIAPHUAN 3:19 ပူးပေါင်းရင်းမြစ်များ

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

JOB 5:17

“Zohhmanh, Pathian nih a chimhhrinmi cu lunglawmmi a si; Cucaah Lianngan Bik chimhhrinnak cu zeirello in um hlah.

SALM 39:11

Minung cu a sualnak kha dantat awkah na sik tikah. a iang vialte kha a lo dih, minung hi thaw menmen a si taktak ko. Selah

SALM 6:1

Bawipa, na thinhung hlah law, ka si hlah! Na thinhun in dan ka tat hlah.

SALM 69:9

Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.

SALM 94:10

Miphun vialte cu amah ukmi an si, dantat loin a um hna hnga maw? Mi vialte a cawnpiaktu cu amah a si, hngal loin a um kho hnga maw?

PHUNGTHLÛKBIA 15:10

Palhnak kha na tuah ahcun fak piin dantatnak na hmuh lai, chimhhrinnak kha na duh lo ahcun na thi lai.

PHUNGTHLÛKBIA 15:32

Chimhhrinnak zei ah na rel lo ahcun nangmah le nangmah harnak naa pe, sihmanhsehlaw chimhhrinnak kha na cohlan duh ahcun na fim chin lai.

PHUNGTHLÛKBIA 22:15

Ngakchia nih hin hruhnak thil le thil ṭhalo hi an tuah tawn phung a si, Sihmanhsehlaw chimhhrinhnak fung nih cun ṭha deuh in a cawnpiak hna lai.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 31:18

Israel mi hna nih ngaihchia in, ‘Bawipa, kannih cu a hrang i a lung a khongmi cawtum bantuk kan si, sihmanhsehlaw nangmah nawl zulh kha na kan cawnpiak; Kan hruai ṭhan law kan ra kir ko lai; nangmah cu Bawipa, kan Pathian na si.

JEREMIAH 7:28

Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

ZEFANIAH 3:2

Ralrinnak peknak aw kha zeihmanh a ngaihmi a um lo, Chimhhrinnak kha zeihmanh a lung ah aa kenmi a um lo; Bawipa kha aa bochan lo i a Pathian kha a fuh lo.

MATTHAI 25:7

Ngaknu pahra cu an hun i hlau i an meiinn cu an hun timhtuah hna.

JOHAN 2:17

Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

ROM 12:11

Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u.

1 KORIN 11:32

Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.

2 KORIN 6:9

hngalh bal lomi bantukin an kan ti, sihmanhsehlaw mi vialte hngalh kan si ṭung, a thi cia bantuk ah an kan rel, sihmanhsehlaw nan hngalh bantukin kan nung rih ṭung, hremnak cu kan ing nain a thih cu kan thi lo,

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

GALATI 4:18

Ṭan ngai hi, tinhmi a ṭhat ahcun a ṭha, nan sin i ka um lawngah si loin a zungzal in a ṭha.

DEUTERONOMI 8:5

Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

BIAPHUAN 2:5

Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.