BIAPHUAN 3:14 - Lai (Hakha) Common Language Bible 2006

¹⁴ “Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

Laibaibal Thiang (BSI)

¹⁴ “Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

BIAPHUAN 3:14 ပူးပေါင်းရင်းမြစ်များ

GENESIS 49:3

“Reuben, nangmah cu ka hrin hmasa bik, ka ṭhawnnak le ka thazang theitlai hmasa bik, ka fale vialte lakah kaa chawr bik le a ṭhawng bik na si.

PHUNGTHLÛKBIA 14:5

Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

PHUNGTHLÛKBIA 8:22

Bawipa nih a rian hramthawknak ah a ka ser, hlanlio i a tuahmi hna lakah hmasa bik ka si.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

JEREMIAH 42:5

Cun Jeremiah sinah cun, “Kannih nih kan chiatsernak kha kan zulh lo ahcun, Bawipa cu a ding le zumhtlak tehte kan cungah si ko seh! Bawipa na Pathian nih kannih chimh awkah nangmah an kuatmi paoh cu kan tuah lai, tiah bia kan i kam.

JOHAN 1:3

Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

JOHAN 8:14

Jesuh nih cun, “Keimah kong cu keimah i kaa chim a si hmanh ah ka chimmi cu ahmaanmi a si, zeicahtiah khuazei in dah ka rat le khuazei ah dah ka kal lai kha ka hngalh. Nannih nih cun khuazei in dah ka rat kha nan hngal lo i khuazei ah dah ka kal lai zong kha nan hngal lo.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

DEUTERONOMI 21:17

sihmanhsehlaw, a dawt lomi nupi fapa kha fater a sinak kha a hngalhpi ko lai i a ngeihmi vialte chung khan vo hnih a pek ko lai; zeitintiah amah cu a thazang theitlai hmasa bik a si; fater sinak cu amah ta a si ko.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

KOLOSE 2:1

Nanmah caah siseh, Laodisia mi hna caah siseh, cun pumpak in a ka hngal lomi hna caah siseh, zeitluk fak in dah ka ṭuan ti kha kan theihter tuah hna lai.

KOLOSE 4:16

Hi ca hi nan rel dih tikah Laodisia Khrihfabu zong nih an rel ve hrimhrim nakhnga rak kua chin hna u. Cun Laodisia mi hna nih cun nannih zong ca kha an in kuat chin ve hna lai i cucu nannih zong nih rak rel ve u.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 2:1

“Efesa khua i a ummi Khrihfabu vancungmi sinah hitihin va ṭial tuah: A orhlei kut in arfi pasarih aa put i sui mei vannak pasarih hna lakah aa chawkmi bia cu hihi a si:

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

BIAPHUAN 22:6

Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.